Demosthenes, Speeches 21-30, Κατὰ Ἀριστοκράτους 18:

καίτοι πῶσ ἂν τεχνικώτερον ἢ κακουργότερον συμπαρεσκεύασαν ἄνθρωποι, ὅπωσ οἱ μὲν ἐκπεσοῦνται τῶν βασιλέων, εἷσ δ’ ὃν αὐτοὶ βούλονται πᾶσαν ὑφ’ αὑτῷ ποιήσεται τὴν ἀρχήν, ἢ τοὺσ μὲν τοῖν δυοῖν βοηθήσαντασ ἂν εἰσ φόβον καὶ συκοφαντίασ εὐλάβειαν καθιστάντεσ, ἣν εἰκὸσ προσδοκᾶν ἐκείνουσ ἐφ’ ἑαυτοὺσ ἐλθεῖν ἂν διὰ τοῦ ψηφίσματοσ τουτουί, τῷ δ’ ἑνὶ πράττοντι τὴν ἀρχὴν καὶ πάντα τἀναντία τοῖσ ὑμῖν συμφέρουσι κατασκευάζοντι τοσαύτην ἐξουσίαν διδόντεσ τοῦ ταῦτ’ ἀδεῶσ πράττειν;