Demosthenes, Speeches 21-30, Κατὰ Ἀνδροτίωνοσ Παρανόμων 77:

ἐγὼ μὲν γὰρ οἶδ’ ὅτι πάντεσ, εἰσ οὓσ ἐπαρῴνησεν οὗτοσ, τὴν μὲν εἰσφορὰν ἕκαστοσ ἀναγκαῖον ἀνάλωμ’ ὑπελάμβανεν εἶναι, τοιαῦτα δ’ ἀτιμασθεὶσ καὶ προπηλακισθεὶσ χαλεπῶσ ἐνήνοχεν. κἀκεῖνο οἶδα, ὅτι χρήματ’ εἰσπράττειν τοῦτον ἐχειροτονήσαθ’ ὑμεῖσ, οὐχὶ τὰσ ἰδίασ συμφορὰσ ὀνειδίζειν καὶ προφέρειν ἑκάστῳ. εἴτε γὰρ ἦσαν ἀληθεῖσ, οὐ σοὶ ῥητέαι πολλὰ γὰρ ἡμῶν ἕκαστοσ οὐχ ὡσ βούλεται πράττει· εἴτε μὴ προσηκούσασ κατεσκεύαζεσ, πῶσ οὐχ ὁτιοῦν ἂν πάθοισ δικαίωσ;