Demosthenes, Speeches 21-30, Κατὰ Ἀνδροτίωνοσ Παρανόμων 68:

καίτοι εἴ τισ ἔροιτ’ αὐτόν, τὰσ εἰσφορὰσ πότερον τὰ κτήματ’ ἢ τὰ σώματ’ ὀφείλει, τὰ κτήματα φήσειεν ἄν, εἴπερ ἀληθῆ λέγειν βούλοιτο· ἀπὸ γὰρ τούτων εἰσφέρομεν. τίνοσ οὖν εἵνεκ’ ἀφεὶσ τὸ τὰ χωρία δημεύειν καὶ τὰσ οἰκίασ καὶ ταῦτ’ ἀπογράφειν, ἔδεισ καὶ ὕβριζεσ πολίτασ ἀνθρώπουσ καὶ τοὺσ ταλαιπώρουσ μετοίκουσ, οἷσ ὑβριστικώτερον ἢ τοῖσ οἰκέταισ τοῖσ σαυτοῦ κέχρησαι;