Demosthenes, Speeches 21-30, Κατὰ Ἀνδροτίωνοσ Παρανόμων 49:

ὃ τοίνυν ἕτερον δεῖ μὴ λαθεῖν ὑμᾶσ, ἀκούσατε. ἴσωσ ἀναβήσεται καὶ συνερεῖ τῇ βουλῇ Φίλιπποσ καὶ Ἀντιγένησ καὶ ὁ ἀντιγραφεὺσ καί τινεσ ἄλλοι, οἵπερ ἐκεῖ δι’ ἑαυτῶν εἶχον μετὰ τούτου τὸ βουλευτήριον καὶ τούτων τῶν κακῶν εἰσιν αἴτιοι. δεῖ δὴ πάντασ ὑμᾶσ γιγνώσκειν ὅτι τούτοισ ἐστὶ μὲν ἡ πρόφασισ τῆσ συνηγορίασ τῇ βουλῇ βοηθεῖν, τῇ δ’ ἀληθείᾳ περὶ αὑτῶν ἀγωνιοῦνται καὶ τῶν εὐθυνῶν ἃσ αὐτοὺσ προσήκει δοῦναι τῶν πεπραγμένων.