Demosthenes, Speeches 21-30, Κατὰ Ἀνδροτίωνοσ Παρανόμων 45:

εἰσὶ δὲ καὶ περὶ τῶν ἄλλων αὐτῷ λόγοι πρὸσ τὸ φενακίζειν ὑμᾶσ εὖ μεμηχανημένοι, περὶ ὧν βέλτιον ὑμᾶσ προακοῦσαι. ἔστιν γὰρ εἷσ αὐτῷ τοιοῦτοσ, μὴ πεντακοσίουσ ὑμῶν αὐτῶν ἀφελέσθαι τὴν δωρειὰν μηδ’ ὀνείδει περιβαλεῖν· ἐκείνων ἁγών, οὐκ ἐμόσ. ἐγὼ δ’ εἰ μὲν ἐμέλλετ’ ἀφαιρήσεσθαι τούτουσ μόνον, ἄλλο δὲ μηδὲν ὠφελήσειν τὴν πόλιν, οὐδὲν ἂν ὑμᾶσ σφόδρα σπουδάζειν ἠξίουν· εἰ δὲ τῷ τοῦτο ποιῆσαι πλείουσ ἢ μυρίουσ τοὺσ ἄλλουσ πολίτασ βελτίουσ εἶναι προτρέψετε, πόσῳ κάλλιον τοσούτουσ παρασκευάσαι χρηστοὺσ ἢ πεντακοσίοισ ἀδίκωσ χαρίσασθαι;