Demosthenes, Speeches 21-30, Πρὸσ Ὀνήτορα Ἐξούλησ Α 43:

αὕτη γὰρ ἡ γυνή, πρὶν μὲν ὡσ Ἄφοβον ἐλθεῖν, μίαν ἡμέραν οὐκ ἐχήρευσεν, ἀλλὰ παρὰ ζῶντοσ Τιμοκράτουσ ἐκείνῳ συνῴκησεν, νῦν δ’ ἐν τρισὶν ἔτεσιν ἄλλῳ συνοικοῦσ’ οὐδενὶ φαίνεται. καίτοι τῷ πιστόν, ὡσ τότε μέν, ἵνα μὴ χηρεύσειεν, παρ’ ἀνδρὸσ ὡσ ἄνδρ’ ἐβάδιζεν, νῦν δ’, εἴπερ ὡσ ἀληθῶσ ἀπολέλοιπεν, τοσοῦτον ἂν χρόνον χηρεύουσ’ ἠνείχετ’ ἐξὸν ἄλλῳ συνοικεῖν, τοῦ τ’ ἀδελφοῦ κεκτημένου τοσαύτην οὐσίαν, αὐτή τε ταύτην ἔχουσα τὴν ἡλικίαν;