Demosthenes, Speeches 21-30, Κατὰ Μειδίου περὶ τοῦ Κονδύλου 220:

εἰ τοίνυν ὡσ ἀληθῶσ, ἄνδρεσ Ἀθηναῖοι, οἱᾶ́περ φήσει καὶ καταλαζονεύσεται πρὸσ ὑμᾶσ αὐτίκα δὴ μάλα, τοιαῦτ’ ἦν αὐτῷ τὰ λελῃτουργημένα καὶ πεπραγμένα, καὶ μὴ τοιαῦθ’ οἷ’ ἐγὼ δεικνύω, οὐδ’ οὕτω δήπου τό γε δοῦναι δίκην ὧν ὕβρικεν ἐκφυγεῖν ταῖσ λῃτουργίαισ δίκαιοσ ἂν ἦν. ἐγὼ γὰρ οἶδ’ ὅτι πολλοὶ πολλὰ κἀγάθ’ ὑμᾶσ εἰσιν εἰργασμένοι, οὐ κατὰ τὰσ Μειδίου λῃτουργίασ, οἱ μὲν ναυμαχίασ νενικηκότεσ, οἱ δὲ πόλεισ εἰληφότεσ, οἱ δὲ πολλὰ καὶ καλὰ ὑπὲρ τῆσ πόλεωσ στήσαντεσ τρόπαια·