호흡부호 보기
강세부호 보기
장단부호 보기
작은 Iota 보기
모든 부호 보기
Ὁ δὲ Καλουίσιοσ ἑώσ μὲν ἐπιπλευσεῖσθαι τὸν Δημοχάρην προσεδόκα, παρέμενεν, ἔνθαπερ ὡρ́μιστο, ναυμαχεῖν οὐ δυνάμενοσ· αἵ τε γὰρ κράτισται τῶν νεῶν αὐτῷ διωλώλεσαν, καὶ αἱ ἕτεραι πρὸσ ναυμαχίαν εἶχον ἀχρείωσ· ἐπεὶ δὲ ἔμαθεν οἰχόμενον ἐσ Σικελίαν, ἐπεσκεύαζε τὰσ ναῦσ καὶ παρέπλει τὴν γῆν, τοὺσ κόλπουσ ἐξελίσσων. ὁ δὲ Καῖσαρ ἐκ μὲν Τάραντοσ ἐσ τὸ Ῥήγιον διεπεπλεύκει ναυσὶ πολλαῖσ καὶ στρατῷ πολλῷ καὶ Πομπήιον περὶ Μεσσήνην κατειλήφει ναῦσ ἔχοντα τεσσαράκοντα μόνασ, ὥστε αὐτῷ παρῄνουν οἱ φίλοι, ὡσ ἐν καιρῷ μάλιστα, ἐπιθέσθαι τῷ Πομπηίῳ μετὰ τοσοῦδε στόλου, ναῦσ ἔχοντι ὀλίγασ, μέχρι τὸ λοιπὸν ἐκείνῳ ναυτικὸν οὐ πάρεστιν. ὁ δ’ οὐκ ἐπείθετο, Καλουίσιον περιμένων καὶ λέγων οὐκ εὔβουλον εἶναι τὸ ῥιψοκίνδυνον, ἔνθα συμμαχίαν ἄλλην προσδοκῴη. Ὡσ δὲ Δημοχάρησ ἐσ Μεσσήνην κατέπλευσεν, ὁ μὲν Πομπήιοσ αὐτόν τε Δημοχάρην καὶ Ἀπολλοφάνην, καὶ τόνδε ἀπελεύθερον ἑαυτοῦ, ναυάρχουσ ἀπέφηνεν ἀντὶ Μηνοδώρου καὶ Μενεκράτουσ·

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기