헬라어 문장 검색 - Αππιαν́ΤηεΞιϝί5́05́02́

(아피아노스, The Civil Wars, book 5, chapter 5 2:)

Ὁ μὲν οὕτωσ εἶπε καὶ εὐθὺσ ἔπεμπε τρεῖσ ἐπιλεξάμενοσ ἐκ τῶν ἀρίστων· ἡ δὲ πληθὺσ ἀνῴμωζον, οἱ μὲν ἑαυτῶν χάριν, οἱ δὲ τοῦ στρατηγοῦ, γνώμῃ μὲν ὁμοῦ σφισιν ἀρίστου καὶ δημοκρατικοῦ φανέντοσ, ὑπὸ δ’ ἐσχάτησ ἀνάγκησ ἡττημένου. οἱ δὲ τρεῖσ ἐντυχόντεσ τῷ Καίσαρι ἀνεμίμνῃσκον τοῦ γένουσ τῶν στρατῶν ἑνὸσ ἑκατέροισ ὄντοσ καὶ στρατειῶν ὁμοῦ γενομένων καὶ φιλίασ τῶν ἐπιφανῶν καὶ ἀρετῆσ προγόνων οὐκ ἐσ ἀνήκεστον τὰσ διαφορὰσ προαγαγόντων· ὅσα τε εἰκὸσ ἦν ἄλλα ἐπαγωγά, τούτοισ ὅμοια, ἔλεγον. ὁ δὲ Καῖσαρ εἰδὼσ τῶν πολεμίων τοὺσ μὲν ἀπειροπολέμουσ ἔτι, τοὺσ δὲ κληρούχουσ γεγυμνασμένουσ ἔφη τεχνάζων τοῖσ ὑπ’ Ἀντωνίῳ στρατευσαμένοισ διδόναι τὴν ἀμνηστίαν, ὡσ χάριν ἐκείνῳ φέρων, τοὺσ δ’ ἄλλουσ ἐπιτρέπειν σφᾶσ ἑαυτῷ προσέτασσεν. ταῦτα μὲν εἶπεν ἅπασιν ἰδία δὲ ἕνα τῶν τριῶν ἀπολαβών, Φούρνιον, ἐσ μείζονα φιλανθρωπίαν ἐπήλπισε τοὺσ περὶ Λεύκιον καὶ τοὺσ ἄλλουσ χωρὶσ τῶν ἰδίων ἐχθρῶν ἑαυτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 5, chapter 5 2:

(아피아노스, The Civil Wars, book 5, chapter 5 2:)

상위

목록

SEARCH

MENU NAVIGATION