호흡부호 보기
강세부호 보기
장단부호 보기
작은 Iota 보기
모든 부호 보기
ἐπειδὴ <δὲ> ἐκράτησαν Πελοποννήσου, τρεῖσ ἱδρύσαντο βωμοὺσ πατρῴου Διόσ, καὶ ἐπὶ τούτων ἔθυσαν, καὶ ἐκληροῦντο τὰσ πόλεισ. πρώτη μὲν οὖν λῆξισ Ἄργοσ, δευτέρα <δὲ> Λακεδαίμων, τρίτη δὲ Μεσσήνη. κομισάντων δὲ ὑδρίαν ὕδατοσ, ἔδοξε ψῆφον βαλεῖν ἕκαστον. Τήμενοσ οὖν καὶ οἱ Ἀριστοδήμου παῖδεσ Προκλῆσ καὶ Εὐρυσθένησ ἔβαλον λίθουσ, Κρεσφόντησ δὲ βουλόμενοσ Μεσσήνην λαχεῖν γῆσ ἐνέβαλε βῶλον. ταύτησ δὲ διαλυθείσησ ἔδει τοὺσ δύο κλήρουσ ἀναφανῆναι. ἑλκυσθείσησ δὲ πρώτησ μὲν τῆσ Τημένου, δευτέρασ δὲ τῆσ τῶν Ἀριστοδήμου παίδων, Μεσσήνην ἔλαβε Κρεσφόντησ.
호흡부호 보기
강세부호 보기
장단부호 보기
작은 Iota 보기
모든 부호 보기