헬라어 문장 검색 - ΑπολλόΛιβραρψ́3́02́

(아폴로도로스, Library and Epitome, book 2, chapter 2)

Λυγκεὺσ δὲ μετὰ Δαναὸν Ἄργουσ δυναστεύων ἐξ Ὑπερμνήστρασ τεκνοῖ παῖδα Ἄβαντα. τούτου δὲ καὶ Ἀγλαί̈ασ τῆσ Μαντινέωσ δίδυμοι παῖδεσ ἐγένοντο Ἀκρίσιοσ καὶ Προῖτοσ. οὗτοι καὶ κατὰ γαστρὸσ μὲν ἔτι ὄντεσ ἐστασίαζον πρὸσ ἀλλήλουσ, ὡσ δὲ ἀνετράφησαν, περὶ τῆσ βασιλείασ ἐπολέμουν, καὶ πολεμοῦντεσ εὑρ͂ον ἀσπίδασ πρῶτοι. καὶ κρατήσασ Ἀκρίσιοσ Προῖτον Ἄργουσ ἐξελαύνει. ὁ δ’ ἧκεν εἰσ Λυκίαν πρὸσ Ιὀβάτην, ὡσ δέ τινέσ φασι, πρὸσ Ἀμφιάνακτα· καὶ γαμεῖ τὴν τούτου θυγατέρα, ὡσ μὲν Ὅμηροσ, Ἄντειαν, ὡσ δὲ οἱ τραγικοί, Σθενέβοιαν. κατάγει δὲ αὐτὸν ὁ κηδεστὴσ μετὰ στρατοῦ Λυκίων, καὶ καταλαμβάνει Τίρυνθα, ταύτην αὐτῷ Κυκλώπων τειχισάντων. μερισάμενοι δὲ τὴν Ἀργείαν ἅπασαν κατῴκουν, καὶ Ἀκρίσιοσ μὲν Ἄργουσ βασιλεύει, Προῖτοσ δὲ Τίρυνθοσ. καὶ γίνεται Ἀκρισίῳ μὲν ἐξ Εὐρυδίκησ τῆσ Λακεδαίμονοσ Δανάη, Προίτῳ δὲ ἐκ Σθενεβοίασ Λυσίππη καὶ Ἰφινόη καὶ Ἰφιάνασσα.

αὗται δὲ ὡσ ἐτελειώθησαν, ἐμάνησαν, ὡσ μὲν Ἡσίοδόσ φησιν, ὅτι τὰσ Διονύσου τελετὰσ οὐ κατεδέχοντο, ὡσ δὲ Ἀκουσίλαοσ λέγει, διότι τὸ τῆσ Ἥρασ ξόανον ἐξηυτέλισαν. γενόμεναι δὲ ἐμμανεῖσ ἐπλανῶντο ἀνὰ τὴν Ἀργείαν ἅπασαν, αὖθισ δὲ τὴν Ἀρκαδίαν καὶ τὴν Πελοπόννησον διελθοῦσαι μετ’ ἀκοσμίασ ἁπάσησ διὰ τῆσ ἐρημίασ ἐτρόχαζον. Μελάμπουσ δὲ ὁ Ἀμυθάονοσ καὶ Εἰδομένησ τῆσ Ἄβαντοσ, μάντισ ὢν καὶ τὴν διὰ φαρμάκων καὶ καθαρμῶν θεραπείαν πρῶτοσ εὑρηκώσ, ὑπισχνεῖται θεραπεύειν τὰσ παρθένουσ, εἰ λάβοι τὸ τρίτον μέροσ τῆσ δυναστείασ. οὐκ ἐπιτρέποντοσ δὲ Προίτου θεραπεύειν ἐπὶ μισθοῖσ τηλικούτοισ, ἔτι μᾶλλον ἐμαίνοντο αἱ παρθένοι καὶ προσέτι μετὰ τούτων αἱ λοιπαὶ γυναῖκεσ· καὶ γὰρ αὗται τὰσ οἰκίασ ἀπολιποῦσαι τοὺσ ἰδίουσ ἀπώλλυον παῖδασ καὶ εἰσ τὴν ἐρημίαν ἐφοίτων. προβαινούσησ δὲ ἐπὶ πλεῖστον τῆσ συμφορᾶσ, τοὺσ αἰτηθέντασ μισθοὺσ ὁ Προῖτοσ ἐδίδου. ὁ δὲ ὑπέσχετο θεραπεύειν ὅταν ἕτερον τοσοῦτον τῆσ γῆσ ὁ ἀδελφὸσ αὐτοῦ λάβῃ Βίασ. Προῖτοσ δὲ εὐλαβηθεὶσ μὴ βραδυνούσησ τῆσ θεραπείασ αἰτηθείη καὶ πλεῖον, θεραπεύειν συνεχώρησεν ἐπὶ τούτοισ. Μελάμπουσ δὲ παραλαβὼν τοὺσ δυνατωτάτουσ τῶν νεανιῶν μετ’ ἀλαλαγμοῦ καί τινοσ ἐνθέου χορείασ ἐκ τῶν ὀρῶν αὐτὰσ εἰσ Σικυῶνα συνεδίωξε. κατὰ δὲ τὸν διωγμὸν ἡ πρεσβυτάτη τῶν θυγατέρων Ἰφινόη μετήλλαξεν· ταῖσ δὲ λοιπαῖσ τυχούσαισ καθαρμῶν σωφρονῆσαι συνέβη. καὶ ταύτασ μὲν ἐξέδοτο Προῖτοσ Μελάμποδι καὶ Βίαντι, παῖδα δ’ ὕστερον ἐγέννησε Μεγαπένθην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 2, chapter 2

(아폴로도로스, Library and Epitome, book 2, chapter 2)

상위

목록

SEARCH

MENU NAVIGATION