헬라어 문장 검색 - ΑπολλόΛιβραρψ́3́03́

(아폴로도로스, Library and Epitome, book 2, chapter 3)

Βελλεροφόντησ δὲ ὁ Γλαύκου τοῦ Σισύφου, κτείνασ ἀκουσίωσ ἀδελφὸν Δηλιάδην, ὡσ δέ τινέσ φασι Πειρῆνα, ἄλλοι δὲ Ἀλκιμένην, πρὸσ Προῖτον ἐλθὼν καθαίρεται. καὶ αὐτοῦ Σθενέβοια ἔρωτα ἴσχει, καὶ προσπέμπει λόγουσ περὶ συνουσίασ. τοῦ δὲ ἀπαρνουμένου, λέγει πρὸσ Προῖτον ὅτι Βελλεροφόντησ αὐτῇ περὶ φθορᾶσ προσεπέμψατο λόγουσ. Προῖτοσ δὲ πιστεύσασ ἔδωκεν ἐπιστολὰσ αὐτῷ πρὸσ Ιὀβάτην κομίσαι, ἐν αἷσ ἐνεγέγραπτο Βελλεροφόντην ἀποκτεῖναι. Ιὀβάτησ δὲ ἀναγνοὺσ ἐπέταξεν αὐτῷ Χίμαιραν κτεῖναι, νομίζων αὐτὸν ὑπὸ τοῦ θηρίου διαφθαρήσεσθαι· ἦν γὰρ οὐ μόνον ἑνὶ ἀλλὰ πολλοῖσ οὐκ εὐάλωτον, εἶχε δὲ προτομὴν μὲν λέοντοσ, οὐρὰν δὲ δράκοντοσ, τρίτην δὲ κεφαλὴν μέσην αἰγόσ, δι’ ἧσ πῦρ ἀνίει. καὶ τὴν χώραν διέφθειρε, καὶ τὰ βοσκήματα ἐλυμαίνετο· μία γὰρ φύσισ τριῶν θηρίων εἶχε δύναμιν. λέγεται δὲ καὶ τὴν Χίμαιραν ταύτην τραφῆναι μὲν ὑπὸ Ἀμισωδάρου, καθάπερ εἴρηκε καὶ Ὅμηροσ, γεννηθῆναι δὲ ἐκ Τυφῶνοσ καὶ Ἐχίδνησ, καθὼσ Ἡσίοδοσ ἱστορεῖ. ἀναβιβάσασ οὖν ἑαυτὸν ὁ Βελλεροφόντησ ἐπὶ τὸν Πήγασον, ὃν εἶχεν ἵππον ἐκ Μεδούσησ πτηνὸν γεγεννημένον καὶ Ποσειδῶνοσ, ἀρθεὶσ εἰσ ὕψοσ ἀπὸ τούτου κατετόξευσε τὴν Χίμαιραν.

μετὰ δὲ τὸν ἀγῶνα τοῦτον ἐπέταξεν αὐτῷ Σολύμοισ μαχεσθῆναι. ὡσ δὲ ἐτελεύτησε καὶ τοῦτον, Ἀμαζόσιν ἐπέταξεν ἀγωνίσασθαι αὐτόν. ὡσ δὲ καὶ ταύτασ ἀπέκτεινε, τοὺσ γενναιότητι Λυκίων διαφέρειν δοκοῦντασ ἐπιλέξασ ἐπέταξεν ἀποκτεῖναι λοχήσαντασ. ὡσ δὲ καὶ τούτουσ ἀπέκτεινε πάντασ, θαυμάσασ τὴν δύναμιν αὐτοῦ ὁ Ιὀβάτησ τά τε γράμματα ἔδειξε καὶ παρ’ αὐτῷ μένειν ἠξίωσε· δοὺσ δὲ τὴν θυγατέρα Φιλονόην καὶ θνήσκων τὴν βασιλείαν κατέλιπεν αὐτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 2, chapter 3

(아폴로도로스, Library and Epitome, book 2, chapter 3)

상위

목록

SEARCH

MENU NAVIGATION