헬라어 문장 검색 - ΑπολλόΛιβραρψ́3́07́

(아폴로도로스, Library and Epitome, book 2, chapter 7)

πλέοντοσ δὲ ἀπὸ Τροίασ Ἡρακλέουσ Ἥρα χαλεποὺσ ἔπεμψε χειμῶνασ· ἐφ’ οἷσ ἀγανακτήσασ Ζεὺσ ἐκρέμασεν αὐτὴν ἐξ Ὀλύμπου. προσέπλει δὲ Ἡρακλῆσ τῇ Κῷ· καὶ νομίσαντεσ αὐτὸν οἱ Κῷοι λῃστρικὸν ἄγειν στόλον, βάλλοντεσ λίθοισ προσπλεῖν ἐκώλυον. ὁ δὲ βιασάμενοσ αὐτὴν νυκτὸσ εἷλε, καὶ τὸν βασιλέα Εὐρύπυλον, Ἀστυπαλαίασ παῖδα καὶ Ποσειδῶνοσ, ἔκτεινεν. ἐτρώθη δὲ κατὰ τὴν μάχην Ἡρακλῆσ ὑπὸ Χαλκώδοντοσ, καὶ Διὸσ ἐξαρπάσαντοσ αὐτὸν οὐδὲν ἔπαθε. πορθήσασ δὲ Κῶ ἧκε δι’ Ἀθηνᾶσ εἰσ Φλέγραν, καὶ μετὰ θεῶν κατεπολέμησε Γίγαντασ. μετ’ οὐ πολὺ δὲ ἐπ’ Αὐγείαν ἐστρατεύετο, συναθροίσασ Ἀρκαδικὸν στρατὸν καὶ παραλαβὼν ἐθελοντὰσ τῶν ἀπὸ τῆσ Ἑλλάδοσ ἀριστέων.

ἔθηκε δὲ καὶ τὸν Ὀλυμπιακὸν ἀγῶνα, Πέλοπόσ τε βωμὸν ἱδρύσατο, καὶ θεῶν δώδεκα βωμοὺσ ἓξ ἐδείματο. Αὐγείασ δὲ τὸν ἀφ’ Ἡρακλέουσ πόλεμον ἀκούων κατέστησεν Ἠλείων στρατηγοὺσ Εὔρυτον καὶ Κτέατον συμφυεῖσ, οἳ δυνάμει τοὺσ τότε ἀνθρώπουσ ὑπερέβαλλον, παῖδεσ δὲ ἦσαν Μολιόνησ καὶ Ἄκτοροσ, ἐλέγοντο δὲ Ποσειδῶνοσ· Ἄκτωρ δὲ ἀδελφὸσ ἦν Αὐγείου. συνέβη δὲ Ἡρακλεῖ κατὰ τὴν στρατείαν νοσῆσαι· διὰ τοῦτο καὶ σπονδὰσ πρὸσ τοὺσ Μολιονίδασ ἐποιήσατο. οἱ δὲ ὕστερον ἐπιγνόντεσ αὐτὸν νοσοῦντα, ἐπιτίθενται τῷ στρατεύματι καὶ κτείνουσι πολλούσ. τότε μὲν οὖν ἀνεχώρησεν Ἡρακλῆσ· αὖθισ δὲ τῆσ τρίτησ ἰσθμιάδοσ τελουμένησ, Ἠλείων τοὺσ Μολιονίδασ πεμψάντων συνθύτασ, ἐν Κλεωναῖσ ἐνεδρεύσασ τούτουσ Ἡρακλῆσ ἀπέκτεινε, καὶ στρατευσάμενοσ ἐπὶ τὴν Ἦλιν εἷλε τὴν πόλιν. καὶ κτείνασ μετὰ τῶν παίδων Αὐγείαν κατήγαγε Φυλέα, καὶ τούτῳ τὴν βασιλείαν ἔδωκεν. μετὰ δὲ τὴν τῆσ Ἤλιδοσ ἅλωσιν ἐστράτευσεν ἐπὶ Πύλον, καὶ τὴν πόλιν ἑλὼν Περικλύμενον κτείνει τὸν ἀλκιμώτατον τῶν Νηλέωσ παίδων, ὃσ μεταβάλλων τὰσ μορφὰσ ἐμάχετο.

τὸν δὲ Νηλέα καὶ τοὺσ παῖδασ αὐτοῦ χωρὶσ Νέστοροσ ἀπέκτεινεν· οὗτοσ δὲ νέοσ ὢν παρὰ Γερηνίοισ ἐτρέφετο. κατὰ δὲ τὴν μάχην καὶ Αἵδην ἔτρωσε Πυλίοισ βοηθοῦντα. ἑλὼν δὲ τὴν Πύλον ἐστράτευεν ἐπὶ Λακεδαίμονα, μετελθεῖν τοὺσ Ἱπποκόωντοσ παῖδασ θέλων· ὠργίζετο μὲν γὰρ αὐτοῖσ καὶ διότι Νηλεῖ συνεμάχησαν, μᾶλλον δὲ ὠργίσθη ὅτι τὸν Λικυμνίου παῖδα ἀπέκτειναν. θεωμένου γὰρ αὐτοῦ τὰ Ἱπποκόωντοσ βασίλεια, ἐκδραμὼν κύων τῶν Μολοττικῶν ἐπ’ αὐτὸν ἐφέρετο· ὁ δὲ βαλὼν λίθον ἐπέτυχε τοῦ κυνόσ, ἐκτροχάσαντεσ δὲ οἱ Ἱπποκοωντίδαι καὶ τύπτοντεσ αὐτὸν τοῖσ σκυτάλοισ ἀπέκτειναν. τὸν δὲ τούτου θάνατον ἐκδικῶν στρατιὰν ἐπὶ Λακεδαιμονίουσ συνήθροιζε. καὶ παραγενόμενοσ εἰσ Ἀρκαδίαν ἠξίου Κηφέα μετὰ τῶν παίδων ὧν εἶχεν εἴκοσι συμμαχεῖν. δεδιὼσ δὲ Κηφεὺσ μὴ καταλιπόντοσ αὐτοῦ Τεγέαν Ἀργεῖοι ἐπιστρατεύσωνται, τὴν στρατείαν ἠρνεῖτο. Ἡρακλῆσ δὲ παρ’ Ἀθηνᾶσ λαβὼν ἐν ὑδρίᾳ χαλκῇ βόστρυχον Γοργόνοσ Στερόπῃ τῇ Κηφέωσ θυγατρὶ δίδωσιν, εἰπών, ἐὰν ἐπίῃ στρατόσ, τρὶσ ἀνασχούσησ <ἐκ> τῶν τειχῶν τὸν βόστρυχον καὶ μὴ προϊδούσησ τροπὴν τῶν πολεμίων ἔσεσθαι. τούτου γενομένου Κηφεὺσ μετὰ τῶν παίδων ἐστράτευε. καὶ κατὰ τὴν μάχην αὐτόσ τε καὶ οἱ παῖδεσ αὐτοῦ τελευτῶσι, καὶ πρὸσ τούτοισ Ἰφικλῆσ ὁ τοῦ Ἡρακλέουσ ἀδελφόσ. Ἡρακλῆσ δὲ κτείνασ τὸν Ἱπποκόωντα καὶ τοὺσ παῖδασ αὐτοῦ <καὶ> χειρωσάμενοσ τὴν πόλιν, Τυνδάρεων καταγαγὼν τὴν βασιλείαν παρέδωκε τούτῳ. παριὼν δὲ Τεγέαν Ἡρακλῆσ τὴν Αὔγην Ἀλεοῦ θυγατέρα οὖσαν ἀγνοῶν ἔφθειρεν.

ἡ δὲ τεκοῦσα κρύφα τὸ βρέφοσ κατέθετο ἐν τῷ τεμένει τῆσ Ἀθηνᾶσ. λοιμῷ δὲ τῆσ χώρασ φθειρομένησ, Ἀλεὸσ εἰσελθὼν εἰσ τὸ τέμενοσ καὶ ἐρευνήσασ τὰσ τῆσ θυγατρὸσ ὠδῖνασ εὑρ͂ε. τὸ μὲν οὖν βρέφοσ εἰσ τὸ Παρθένιον ὄροσ ἐξέθετο. καὶ τοῦτο κατὰ θεῶν τινα πρόνοιαν ἐσώθη· θηλὴν μὲν γὰρ ἀρτιτόκοσ ἔλαφοσ ὑπέσχεν αὐτῷ, ποιμένεσ δὲ ἀνελόμενοι τὸ βρέφοσ Τήλεφον ἐκάλεσαν αὐτό. Αὔγην δὲ ἔδωκε Ναυπλίῳ τῷ Ποσειδῶνοσ ὑπερόριον ἀπεμπολῆσαι. ὁ δὲ Τεύθραντι τῷ Τευθρανίασ ἔδωκεν αὐτὴν δυνάστῃ, κἀκεῖνοσ γυναῖκα ἐποιήσατο. παραγενόμενοσ δὲ Ἡρακλῆσ εἰσ Καλυδῶνα τὴν Οἰνέωσ θυγατέρα Δηιάνειραν ἐμνηστεύετο, καὶ διαπαλαίσασ ὑπὲρ τῶν γάμων αὐτῆσ πρὸσ Ἀχελῷον εἰκασμένον ταύρῳ περιέκλασε τὸ ἕτερον τῶν κεράτων.

καὶ τὴν μὲν Δηιάνειραν γαμεῖ, τὸ δὲ κέρασ Ἀχελῷοσ λαμβάνει, δοὺσ ἀντὶ τούτου τὸ τῆσ Ἀμαλθείασ. Ἀμάλθεια δὲ ἦν Αἱμονίου θυγάτηρ, ἣ κέρασ εἶχε ταύρου. τοῦτο δέ, ὡσ Φερεκύδησ λέγει, δύναμιν εἶχε τοιαύτην ὥστε βρωτὸν ἢ ποτόν, ὅπερ <ἂν> εὔξαιτό τισ, παρέχειν ἄφθονον. στρατεύει δὲ Ἡρακλῆσ μετὰ Καλυδωνίων ἐπὶ Θεσπρωτούσ, καὶ πόλιν ἑλὼν Ἔφυραν, ἧσ ἐβασίλευε Φύλασ, Ἀστυόχῃ τῇ τούτου θυγατρὶ συνελθὼν πατὴρ Τληπολέμου γίνεται.

ὁ δὲ μέλλων τελευτᾶν προσκαλεσάμενοσ Δηιάνειραν εἶπεν, εἰ θέλοι φίλτρον πρὸσ Ἡρακλέα ἔχειν, τόν τε γόνον ὃν ἀφῆκε κατὰ τῆσ γῆσ καὶ τὸ ῥυὲν ἐκ τοῦ τραύματοσ τῆσ ἀκίδοσ αἷμα συμμῖξαι, ἡ δὲ ποιήσασα τοῦτο ἐφύλαττε παρ’ ἑαυτῇ. διατελῶν δὲ παρ’ αὐτοῖσ, πέμψασ πρὸσ Θέσπιον ἑπτὰ μὲν κατέχειν ἔλεγε παῖδασ, τρεῖσ δὲ εἰσ Θήβασ ἀποστέλλειν, τοὺσ δὲ λοιποὺσ τεσσαράκοντα πέμπειν εἰσ Σαρδὼ τὴν νῆσον ἐπ’ ἀποικίαν. γενομένων δὲ τούτων εὐωχούμενοσ παρ’ Οἰνεῖ κονδύλῳ πλήξασ ἀπέκτεινεν Ἀρχιτέλουσ παῖδα Εὔνομον κατὰ χειρῶν διδόντα· συγγενὴσ δὲ Οἰνέωσ οὗτοσ. ἀλλ’ ὁ μὲν πατὴρ τοῦ παιδόσ, ἀκουσίωσ γεγενημένου τοῦ συμβεβηκότοσ, συνεγνωμόνει, Ἡρακλῆσ δὲ κατὰ τὸν νόμον τὴν φυγὴν ὑπομένειν ἤθελε, καὶ διέγνω πρὸσ Κήυκα εἰσ Τραχῖνα ἀπιέναι. ἄγων δὲ Δηιάνειραν ἐπὶ ποταμὸν Εὐήνον ἧκεν, ἐν ᾧ καθεζόμενοσ Νέσσοσ ὁ Κένταυροσ τοὺσ παριόντασ διεπόρθμευε μισθοῦ, λέγων παρὰ θεῶν τὴν πορθμείαν εἰληφέναι διὰ δικαιοσύνην. αὐτὸσ μὲν οὖν Ἡρακλῆσ τὸν ποταμὸν διέβη, Δηιάνειραν δὲ μισθὸν αἰτηθεὶσ ἐπέτρεψε Νέσσῳ διακομίζειν. ὁ δὲ διαπορθμεύων αὐτὴν ἐπεχείρει βιάζεσθαι. τῆσ δὲ ἀνακραγούσησ αἰσθόμενοσ Ἡρακλῆσ ἐξελθόντα Νέσσον ἐτόξευσεν εἰσ τὴν καρδίαν. διεξιὼν δὲ Ἡρακλῆσ τὴν Δρυόπων χώραν, ἀπορῶν τροφῆσ, ἀπαντήσαντοσ Θειοδάμαντοσ βοηλατοῦντοσ τὸν ἕτερον τῶν ταύρων λύσασ καὶ σφάξασ εὐωχήσατο.

ὡσ δὲ ἦλθεν εἰσ Τραχῖνα πρὸσ Κήυκα, ὑποδεχθεὶσ ὑπ’ αὐτοῦ Δρύοπασ κατεπολέμησεν. αὖθισ δὲ ἐκεῖθεν ὁρμηθεὶσ Αἰγιμίῳ βασιλεῖ Δωριέων συνεμάχησε· Λαπίθαι γὰρ περὶ γῆσ ὁρ́ων ἐπολέμουν αὐτῷ Κορώνου στρατηγοῦντοσ, ὁ δὲ πολιορκούμενοσ ἐπεκαλέσατο τὸν Ἡρακλέα βοηθὸν ἐπὶ μέρει τῆσ γῆσ. βοηθήσασ δὲ Ἡρακλῆσ ἀπέκτεινε Κόρωνον μετὰ καὶ ἄλλων, καὶ τὴν γῆν ἅπασαν παρέδωκεν ἐλευθέραν αὐτῷ. ἀπέκτεινε δὲ καὶ Λαογόραν μετὰ τῶν τέκνων, βασιλέα Δρυόπων, ἐν Ἀπόλλωνοσ τεμένει δαινύμενον, ὑβριστὴν ὄντα καὶ Λαπιθῶν σύμμαχον. παριόντα δὲ Ἴτωνον εἰσ μονομαχίαν προεκαλέσατο αὐτὸν Κύκνοσ Ἄρεοσ καὶ Πελοπίασ· συστὰσ δὲ καὶ τοῦτον ἀπέκτεινεν. ὡσ δὲ εἰσ Ὀρμένιον ἧκεν, Ἀμύντωρ αὐτὸν ὁ βασιλεὺσ μεθ’ ὅπλων οὐκ εἰά διέρχεσθαι· κωλυόμενοσ δὲ παριέναι καὶ τοῦτον ἀπέκτεινεν. ἀφικόμενοσ δὲ εἰσ Τραχῖνα στρατιὰν ἐπ’ Οἰχαλίαν συνήθροισεν, Εὔρυτον τιμωρήσασθαι θέλων. συμμαχούντων δὲ αὐτῷ Ἀρκάδων καὶ Μηλιέων τῶν ἐκ Τραχῖνοσ καὶ Λοκρῶν τῶν Ἐπικνημιδίων, κτείνασ μετὰ τῶν παίδων Εὔρυτον αἱρεῖ τὴν πόλιν. καὶ θάψασ τῶν σὺν αὐτῷ στρατευσαμένων τοὺσ ἀποθανόντασ, Ἵππασόν τε τὸν Κήυκοσ καὶ Ἀργεῖον καὶ Μέλανα τοὺσ Λικυμνίου παῖδασ, καὶ λαφυραγωγήσασ τὴν πόλιν, ἦγεν Ιὄλην αἰχμάλωτον. καὶ προσορμισθεὶσ Κηναίῳ τῆσ Εὐβοίασ ἀκρωτηρίῳ Διὸσ Κηναίου βωμὸν ἱδρύσατο. μέλλων δὲ ἱερουργεῖν εἰσ Τραχῖνα <Λίχαν> τὸν κήρυκα ἔπεμψε λαμπρὰν ἐσθῆτα οἴσοντα. παρὰ δὲ τούτου τὰ περὶ τὴν Ιὄλην Δηιάνειρα πυθομένη, καὶ δείσασα μὴ ἐκείνην μᾶλλον ἀγαπήσῃ, νομίσασα ταῖσ ἀληθείαισ φίλτρον εἶναι τὸ ῥυὲν αἷμα Νέσσου, τούτῳ τὸν χιτῶνα ἔχρισεν. ἐνδὺσ δὲ Ἡρακλῆσ ἔθυεν. ὡσ δὲ θερμανθέντοσ τοῦ χιτῶνοσ ὁ τῆσ ὕδρασ ἰὸσ τὸν χρῶτα ἔσηπε, τὸν μὲν Λίχαν τῶν ποδῶν ἀράμενοσ κατηκόντισεν ἀπὸ τῆσ Βοιωτίασ, τὸν δὲ χιτῶνα ἀπέσπα προσπεφυκότα τῷ σώματι· συναπεσπῶντο δὲ καὶ αἱ σάρκεσ αὐτοῦ. τοιαύτῃ συμφορᾷ κατασχεθεὶσ εἰσ Τραχῖνα ἐπὶ νεὼσ κομίζεται. Δηιάνειρα δὲ αἰσθομένη τὸ γεγονὸσ ἑαυτὴν ἀνήρτησεν. Ἡρακλῆσ δὲ ἐντειλάμενοσ Ὕλλῳ, ὃσ ἐκ Δηιανείρασ ἦν αὐτῷ παῖσ πρεσβύτεροσ, Ιὄλην ἀνδρωθέντα γῆμαι, παραγενόμενοσ εἰσ Οἴτην ὄροσ ἔστι δὲ τοῦτο Τραχινίων, ἐκεῖ πυρὰν ποιήσασ ἐκέλευσεν ἐπιβὰσ ὑφάπτειν. μηδενὸσ δὲ τοῦτο πράττειν ἐθέλοντοσ, Ποίασ παριὼν κατὰ ζήτησιν ποιμνίων ὑφῆψε. τούτῳ καὶ τὰ τόξα ἐδωρήσατο Ἡρακλῆσ. καιομένησ δὲ τῆσ πυρᾶσ λέγεται νέφοσ ὑποστὰν μετὰ βροντῆσ αὐτὸν εἰσ οὐρανὸν ἀναπέμψαι. ἐκεῖθεν δὲ τυχὼν ἀθανασίασ καὶ διαλλαγεὶσ Ἥρᾳ τὴν ἐκείνησ θυγατέρα Ἥβην ἔγημεν, ἐξ ἧσ αὐτῷ παῖδεσ Ἀλεξιάρησ καὶ Ἀνίκητοσ ἐγένοντο. ἦσαν δὲ παῖδεσ αὐτῷ ἐκ μὲν τῶν Θεσπίου θυγατέρων, Πρόκριδοσ μὲν Ἀντιλέων καὶ Ἱππεύσ ἡ πρεσβυτάτη γὰρ διδύμουσ ἐγέννησε, Πανόπησ δὲ Θρεψίππασ, Λύσησ Εὐμήδησ, .

. . Κρέων, Ἐπιλάϊδοσ Ἀστυάναξ, Κέρθησ Ιὄβησ, Εὐρυβίασ Πολύλαοσ, Πατροῦσ Ἀρχέμαχοσ, Μηλίνησ Λαομέδων, Κλυτίππησ Εὐρύκαπυσ, Εὐρύπυλοσ Εὐβώτησ, Ἀγλαί̈ησ Ἀντιάδησ, Ὀνήσιπποσ Χρυσηίδοσ, Ὀρείησ Λαομένησ, Τέλησ Λυσιδίκησ, Ἐντελίδησ Μενιππίδοσ, Ἀνθίππησ Ἱπποδρόμοσ, Τελευταγόρασ Εὐρυ . . . , Καπύλοσ Ἵππωτοσ, Εὐβοίασ Ὄλυμποσ, Νίκησ Νικόδρομοσ, Ἀργέλησ Κλεόλαοσ, Ἐξόλησ Ἐρύθρασ, Ξανθίδοσ Ὁμόλιπποσ, Στρατονίκησ Ἄτρομοσ, Κελευστάνωρ Ἴφιδοσ, Λαοθόησ Ἄντιφοσ, Ἀντιόπησ Ἀλόπιοσ, Ἀστυβίησ Καλαμήτιδοσ, Φυληίδοσ Τίγασισ, Αἰσχρηίδοσ Λευκώνησ, Ἀνθείασ . . . , Εὐρυπύλησ Ἀρχέδικοσ, Δυνάστησ Ἐρατοῦσ, ἈσωπίδοσΜέντωρ, Ηὤνησ Ἀμήστριοσ, Τιφύσησ Λυγκαῖοσ, Ἁλοκράτησ Ὀλυμπούσησ, Ἑλικωνίδοσ Φαλίασ, Ἡσυχείησ Οἰστρόβλησ, Τερψικράτησ Εὐρυόπησ, Ἐλαχείασ Βουλεύσ, Ἀντίμαχοσ Νικίππησ, Πάτροκλοσ Πυρίππησ, Νῆφοσ Πραξιθέασ, Λυσίππησ Ἐράσιπποσ, Λυκοῦργοσ Τοξικράτησ, Βουκόλοσ Μάρσησ, Λεύκιπποσ Εὐρυτέλησ, Ἱπποκράτησ Ἱππόζυγοσ. οὗτοι μὲν ἐκ τῶν Θεσπίου θυγατέρων, ἐκ δὲ τῶν ἄλλων, Δηιανείρασ <μὲν> τῆσ Οἰνέωσ Ὕλλοσ Κτήσιπποσ Γληνὸσ Ὀνείτησ, ἐκ Μεγάρασ δὲ τῆσ Κρέοντοσ Θηρίμαχοσ Δηικόων Κρεοντιάδησ, ἐξ Ὀμφάλησ δὲ Ἀγέλαοσ, ὅθεν καὶ τὸ Κροίσου γένοσ. Χαλκιόπησ <δὲ> τῆσ Εὐρυπύλου Θετταλόσ, Ἐπικάστησ τῆσ Αὐγέου Θεστάλοσ, Παρθενόπησ τῆσ Στυμφάλου Εὐήρησ, Αὔγησ τῆσ Ἀλεοῦ Τήλεφοσ, Ἀστυόχησ τῆσ Φύλαντοσ Τληπόλεμοσ, Ἀστυδαμείασ τῆσ Ἀμύντοροσ Κτήσιπποσ, Αὐτονόησ τῆσ Πειρέωσ Παλαίμων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 2, chapter 7

(아폴로도로스, Library and Epitome, book 2, chapter 7)

상위

목록

SEARCH

MENU NAVIGATION