헬라어 문장 검색 - ΧενοπήΜινορΩό4́10́

(크세노폰, Minor Works, Ιἕρων ἢ Τυραννικός, chapter 10)

καὶ ὁ Ιἕρων εἶπεν· Ἀλλὰ ταῦτα μέν, ὦ Σιμωνίδη, καλῶσ μοι δοκεῖσ λέγειν· περὶ δὲ τῶν μισθοφόρων ἔχεισ τι εἰπεῖν ὡσ μὴ μισεῖσθαι δι’ αὐτούσ; ἢ λέγεισ ὡσ φιλίαν κτησάμενοσ ἄρχων οὐδὲν ἔτι δεήσεται δορυφόρων; Ναὶ μὰ Δία, εἶπεν ὁ Σιμωνίδησ, δεήσεται μὲν οὖν.

οἶδα γὰρ ὅτι ὥσπερ ἐν ἵπποισ οὕτωσ καὶ ἐν ἀνθρώποισ τισὶν ἐγγίγνεται, ὅσῳ ἂν ἔκπλεα τὰ δέοντα ἔχωσι, τοσούτῳ ὑβριστοτέροισ εἶναι. τοὺσ μὲν οὖν τοιούτουσ μᾶλλον ἂν σωφρονίζοι ὁ ἀπὸ τῶν δορυφόρων φόβοσ.

τοῖσ δὲ καλοῖσ κἀγαθοῖσ ἀπ’ οὐδενὸσ ἄν μοι δοκεῖσ τοσαῦτα ὠφελήματα παρασχεῖν ὅσα ἀπὸ τῶν μισθοφόρων. τρέφεισ μὲν γὰρ δήπου καὶ σὺ αὐτοὺσ σαυτῷ φύλακασ·

ἤδη δὲ πολλοὶ καὶ δεσπόται βίᾳ ὑπὸ τῶν δούλων ἀπέθανον. ἓν οὖν ἂν πρῶτον τοῦτ’ εἰή τῶν προστεταγμένων τοῖσ μισθοφόροισ, ὡσ πάντων ὄντασ δορυφόρουσ τῶν πολιτῶν βοηθεῖν πᾶσιν, ἄν τι τοιοῦτον αἰσθάνωνται. γίγνονται δέ που, ὡσ πάντεσ ἐπιστάμεθα, κακοῦργοι ἐν πόλεσιν· εἰ οὖν καὶ τούτουσ φυλάττειν εἰε͂ν τεταγμένοι, καὶ τοῦτ’ ἂν εἰδεῖεν ὑπ’ αὐτῶν ὠφελούμενοι. πρὸσ δὲ τούτοισ καὶ τοῖσ ἐν τῇ χώρᾳ ἐργάταισ καὶ κτήνεσιν οὗτοι ἂν εἰκότωσ καὶ θάρροσ καὶ ἀσφάλειαν δύναιντο μάλιστα παρέχειν, ὁμοίωσ μὲν τοῖσ σοῖσ ἰδίοισ, ὁμοίωσ δὲ τοῖσ ἀνὰ τὴν χώραν.

ἱκανοί γε μήν εἰσι καὶ σχολὴν παρέχειν τοῖσ πολίταισ τῶν ἰδίων ἐπιμελεῖσθαι, τὰ ἐπίκαιρα φυλάττοντεσ. πρὸσ δὲ τούτοισ καὶ πολεμίων ἐφόδουσ κρυφαίασ καὶ ἐξαπιναίασ τίνεσ ἑτοιμότεροι ἢ προαισθέσθαι ἢ κωλῦσαι τῶν ἀεὶ ἐν ὅπλοισ τε ὄντων καὶ συντεταγμένων;

ἀλλὰ μὴν καὶ ἐν τῇ στρατιᾷ τί ἐστιν ὠφελιμώτερον πολίταισ μισθοφόρων; τούτουσ γὰρ προπονεῖν καὶ προκινδυνεύειν καὶ προφυλάττειν εἰκὸσ ἑτοιμοτάτουσ εἶναι. τὰσ <δ’> ἀγχιτέρμονασ πόλεισ οὐκ ἀνάγκη διὰ τοὺσ ἀεὶ ἐν ὅπλοισ ὄντασ καὶ εἰρήνησ μάλιστα ἐπιθυμεῖν;

οἱ γὰρ συντεταγμένοι καὶ σῴζειν τὰ τῶν φίλων μάλιστα καὶ σφάλλειν τὰ τῶν πολεμίων δύναιντ’ ἄν. ὅταν γε μὴν γνῶσιν οἱ πολῖται ὅτι οὗτοι κακὸν μὲν οὐδὲν ποιοῦσι τὸν μηδὲν ἀδικοῦντα, τοὺσ δὲ κακουργεῖν βουλομένουσ κωλύουσι, βοηθοῦσι δὲ τοῖσ ἀδικουμένοισ, προνοοῦσι δὲ καὶ προκινδυνεύουσι τῶν πολιτῶν, πῶσ οὐκ ἀνάγκη καὶ δαπανᾶν εἰσ τούτουσ ἥδιστα;

τρέφουσι γοῦν καὶ ἰδίᾳ ἐπὶ μείοσι τούτων φύλακασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ιἕρων ἢ Τυραννικός, chapter 10

(크세노폰, Minor Works, Ιἕρων ἢ Τυραννικός, chapter 10)

상위

목록

SEARCH

MENU NAVIGATION