Xenophon, Minor Works, Ιἕρων ἢ Τυραννικός, chapter 3

(크세노폰, Minor Works, Ιἕρων ἢ Τυραννικός, chapter 3)

φιλίασ δ’ αὖ καταθέασαι ὡσ κοινωνοῦσιν οἱ τύραννοι. πρῶτον μὲν εἰ μέγα ἀγαθὸν ἀνθρώποισ ἡ φιλία, τοῦτο ἐπισκεψώμεθα. ὃσ γὰρ ἂν φιλῆται δήπου ὑπό τινων, ἡδέωσ μὲν τοῦτον οἱ φιλοῦντεσ παρόντα ὁρῶσιν, ἡδέωσ δ’ εὖ ποιοῦσι, ποθοῦσι δέ, ἤν που ἀπῇ, ἥδιστα δὲ πάλιν προσιόντα δέχονται, συνήδονται δ’ ἐπὶ τοῖσ αὐτοῦ ἀγαθοῖσ, συνεπικουροῦσι δέ, ἐάν τι σφαλλόμενον ὁρῶσιν.

οὐ μὲν δὴ λέληθεν οὐδὲ τὰσ πόλεισ ὅτι ἡ φιλία μέγιστον ἀγαθὸν <καὶ> ἥδιστον ἀνθρώποισ ἐστί·

μόνουσ γοῦν τοὺσ μοιχοὺσ νομίζουσι πολλαὶ τῶν πόλεων νηποινεὶ ἀποκτείνειν, δῆλον ὅτι διὰ ταῦτα ὅτι λυμαντῆρασ αὐτοὺσ νομίζουσι τῆσ τῶν γυναικῶν φιλίασ πρὸσ τοὺσ ἄνδρασ εἶναι. ἐπεὶ ὅταν γε ἀφροδισιασθῇ κατὰ συμφοράν τινα γυνή, οὐδὲν ἧττον τούτου ἕνεκεν τιμῶσιν αὐτὰσ οἱ ἄνδρεσ, ἐάνπερ ἡ φιλία δοκῇ αὐταῖσ ἀκήρατοσ διαμένειν·

τοσοῦτον δέ τι ἀγαθὸν κρίνω ἔγωγε τὸ φιλεῖσθαι εἶναι ὥστε νομίζω τῷ ὄντι αὐτόματα τἀγαθὰ τῷ φιλουμένῳ γίγνεσθαι καὶ παρὰ θεῶν καὶ παρὰ ἀνθρώπων·

καὶ τούτου τοίνυν τοῦ κτήματοσ τοιούτου ὄντοσ μειονεκτοῦσιν οἱ τύραννοι πάντων μάλιστα.

εἰ δὲ βούλει, ὦ Σιμωνίδη, εἰδέναι ὅτι ἀληθῆ λέγω, ὧδε ἐπίσκεψαι. βεβαιόταται μὲν γὰρ δήπου δοκοῦσι φιλίαι εἶναι γονεῦσι πρὸσ παῖδασ καὶ παισὶ πρὸσ γονέασ καὶ ἀδελφοῖσ πρὸσ ἀδελφοὺσ καὶ γυναιξὶ πρὸσ ἄνδρασ καὶ ἑταίροισ πρὸσ ἑταίρουσ·

εἰ τοίνυν ἐθέλεισ κατανοεῖν, εὑρήσεισ τοὺσ μὲν ἰδιώτασ ὑπὸ τούτων μάλιστα φιλουμένουσ, τοὺσ δὲ τυράννουσ πολλοὺσ μὲν παῖδασ ἑαυτῶν ἀπεκτονότασ, πολλοὺσ δ’ ὑπὸ παίδων αὐτοὺσ ἀπολωλότασ, πολλοὺσ δὲ ἀδελφοὺσ ἐν τυραννίσιν ἀλληλοφόνουσ γεγενημένουσ, πολλοὺσ δὲ καὶ ὑπὸ γυναικῶν τῶν ἑαυτῶν τυράννουσ διεφθαρμένουσ καὶ ὑπὸ ἑταίρων γε τῶν μάλιστα δοκούντων φίλων εἶναι.

οἵτινεσ οὖν ὑπὸ τῶν φύσει πεφυκότων μάλιστα φιλεῖν καὶ νόμῳ συνηναγκασμένων οὕτω μισοῦνται, πῶσ ὑπ’ ἄλλου γέ τινοσ οἰέσθαι χρὴ αὐτοὺσ φιλεῖσθαι;

일치하는 문장이 없습니다.

SEARCH

MENU NAVIGATION