Xenophon, Minor Works, Ιἕρων ἢ Τυραννικός, chapter 11

(크세노폰, Minor Works, Ιἕρων ἢ Τυραννικός, chapter 11)

χρὴ δέ, ὦ Ιἕρων, οὐδ’ ἀπὸ τῶν ἰδίων κτημάτων ὀκνεῖν δαπανᾶν εἰσ τὸ κοινὸν ἀγαθόν. καὶ γὰρ ἔμοιγε δοκεῖ τὰ εἰσ τὴν πόλιν ἀναλούμενα μᾶλλον εἰσ τὸ δέον τελεῖσθαι ἢ τὰ εἰσ τὸ ἴδιον ἀνδρὶ τυράννῳ. καθ’ ἓν δ’ ἕκαστον σκοπῶμεν. οἰκίαν πρῶτον ὑπερβαλλούσῃ δαπάνῃ κεκαλλωπισμένην μᾶλλον ἡγῇ κόσμου ἄν σοι παρέχειν ἢ πᾶσαν τὴν πόλιν τείχεσί τε καὶ ναοῖσ καὶ παστάσι καὶ ἀγοραῖσ καὶ λιμέσι κατεσκευασμένην;

ὅπλοισ δὲ πότερον τοῖσ ἐκπαγλοτάτοισ αὐτὸσ κατακεκοσμημένοσ δεινότεροσ ἂν φαίνοιο τοῖσ πολεμίοισ ἢ τῆσ πόλεωσ ὅλησ εὐόπλου σοι οὔσησ;

προσόδουσ δὲ ποτέρωσ ἂν δοκεῖσ πλείονασ γίγνεσθαι, εἰ τὰ σὰ ἴδια μόνον ἐνεργὰ ἔχοισ ἢ εἰ τὰ πάντων τῶν πολιτῶν μεμηχανημένοσ εἰήσ ἐνεργὰ εἶναι;

τὸ δὲ πάντων κάλλιστον καὶ μεγαλοπρεπέστατον νομιζόμενον εἶναι ἐπιτήδευμα ἁρματοτροφίαν, ποτέρωσ ἂν δοκεῖσ μᾶλλον κοσμεῖν, εἰ αὐτὸσ πλεῖστα τῶν Ἑλλήνων ἁρ́ματα τρέφοισ τε καὶ πέμποισ εἰσ τὰσ πανηγύρεισ, ἢ εἰ ἐκ τῆσ σῆσ πόλεωσ πλεῖστοι μὲν ἱπποτρόφοι εἰε͂ν, πλεῖστοι δ’ ἀγωνίζοιντο;

νικᾶν δὲ πότερα δοκεῖσ κάλλιον εἶναι ἁρ́ματοσ ἀρετῇ ἢ πόλεωσ ἧσ προστατεύεισ εὐδαιμονίᾳ; ἐγὼ μὲν γὰρ οὐδὲ προσήκειν φημὶ ἀνδρὶ τυράννῳ πρὸσ ἰδιώτασ ἀγωνίζεσθαι.

νικῶν μὲν γὰρ οὐκ ἂν θαυμάζοιο ἀλλὰ φθονοῖο, ὡσ ἀπὸ πολλῶν οἴκων τὰσ δαπάνασ ποιούμενοσ, νικώμενοσ δ’ ἂν πάντων μάλιστα καταγελῷο. ἀλλ’ ἐγώ σοί φημι, ὦ Ιἕρων, πρὸσ ἄλλουσ προστάτασ πόλεων τὸν ἀγῶνα εἶναι, ὧν ἐὰν σὺ εὐδαιμονεστάτην τὴν πόλιν ἧσ προστατεύεισ παρέχῃσ, κηρυχθήσῃ νικῶν τῷ καλλίστῳ καὶ μεγαλοπρεπεστάτῳ ἐν ἀνθρώποισ ἀγωνίσματι.

καὶ πρῶτον μὲν εὐθὺσ κατειργασμένοσ ἂν εἰήσ τὸ φιλεῖσθαι ὑπὸ τῶν ἀρχομένων, οὗ δὴ σὺ ἐπιθυμῶν τυγχάνεισ·

ἔπειτα δὲ τὴν σὴν νίκην οὐκ ἂν εἷσ εἰή ὁ ἀνακηρύττων, ἀλλὰ πάντεσ ἄνθρωποι ὑμνοῖεν ἂν τὴν σὴν ἀρετήν. περίβλεπτοσ δὲ ὢν οὐχ ὑπὸ ἰδιωτῶν μόνον ἀλλὰ καὶ ὑπὸ πολλῶν πόλεων ἀγαπῷο ἄν, καὶ θαυμαστὸσ οὐκ ἰδίᾳ μόνον ἀλλὰ καὶ δημοσίᾳ παρὰ πᾶσιν ἂν εἰήσ, καὶ ἐξείη μὲν ἄν σοι ἕνεκεν ἀσφαλείασ, εἴ ποι βούλοιο, θεωρήσοντι πορεύεσθαι, ἐξείη δ’ ἂν αὐτοῦ μένοντι τοῦτο πράττειν.

ἀεὶ γὰρ ἂν παρὰ σοὶ πανήγυρισ εἰή τῶν βουλομένων ἐπιδεικνύναι εἴ τίσ τι σοφὸν ἢ καλὸν ἢ ἀγαθὸν ἔχοι, τῶν δὲ καὶ ἐπιθυμούντων ὑπηρετεῖν.

πᾶσ δὲ ὁ μὲν παρὼν σύμμαχοσ ἂν εἰή σοι, ὁ δὲ ἀπὼν ἐπιθυμοίη ἂν ἰδεῖν σε.

ἑκόντασ δὲ τοὺσ πειθομένουσ ἔχοισ ἂν καὶ ἐθελουσίωσ σου προνοοῦντασ θεῷο ἄν, εἰ δέ τισ κίνδυνοσ εἰή, οὐ συμμάχουσ μόνον ἀλλὰ καὶ προμάχουσ καὶ προθύμουσ ὁρῴησ ἄν, πολλῶν μὲν δωρεῶν ἀξιούμενοσ, οὐκ ἀπορῶν δὲ ὅτῳ τούτων εὐμενεῖ μεταδώσεισ, πάντασ μὲν συγχαίροντασ ἔχων ἐπὶ τοῖσ σοῖσ ἀγαθοῖσ, πάντασ δὲ πρὸ τῶν σῶν ἰδίων ὥσπερ τῶν ἰδίων μαχομένουσ.

θησαυρούσ γε μὴν ἔχοισ ἂν πάντασ τοὺσ παρὰ τοῖσ φίλοισ πλούτουσ.

ἀλλὰ θαρρῶν, ὦ Ιἕρων, πλούτιζε μὲν τοὺσ φίλουσ· σαυτὸν γὰρ πλουτιεῖσ· αὖξε δὲ τὴν πόλιν· σαυτῷ γὰρ δύναμιν περιάψεισ· κτῶ δὲ αὐτῇ συμμάχουσ· νόμιζε δὲ τὴν μὲν πατρίδα οἶκον, τοὺσ δὲ πολίτασ ἑταίρουσ, τοὺσ δὲ φίλουσ τέκνα σεαυτοῦ, τοὺσ δὲ παῖδασ ὅτιπερ τὴν σὴν ψυχήν, καὶ τούτουσ πάντασ πειρῶ νικᾶν εὖ ποιῶν.

ἐὰν γὰρ τοὺσ φίλουσ κρατῇσ εὖ ποιῶν, οὐ μή σοι δύνωνται ἀντέχειν οἱ πολέμιοι.

κἂν ταῦτα πάντα ποιῇσ, εὖ ἴσθι, πάντων τῶν ἐν ἀνθρώποισ κάλλιστον καὶ μακαριώτατον κτῆμα κεκτήσει· εὐδαιμονῶν γὰρ οὐ φθονηθήσῃ.

일치하는 문장이 없습니다.

SEARCH

MENU NAVIGATION