Xenophon, Minor Works, Ιἕρων ἢ Τυραννικός, chapter 5

(크세노폰, Minor Works, Ιἕρων ἢ Τυραννικός, chapter 5)

χαλεπὸν δ’ ἐρῶ σοι καὶ ἄλλο πάθημα, ὦ Σιμωνίδη, τῶν τυράννων. γιγνώσκουσι μὲν γὰρ οὐδὲν ἧττον τῶν ἰδιωτῶν τοὺσ ἀλκίμουσ τε καὶ σοφοὺσ καὶ δικαίουσ. τούτουσ δ’ ἀντὶ τοῦ ἄγασθαι φοβοῦνται, τοὺσ μὲν ἀνδρείουσ, μή τι τολμήσωσι τῆσ ἐλευθερίασ ἕνεκεν, τοὺσ δὲ σοφούσ, μή τι μηχανήσωνται, τοὺσ δὲ δικαίουσ, μὴ ἐπιθυμήσῃ τὸ πλῆθοσ ὑπ’ αὐτῶν προστατεῖσθαι. ὅταν δὲ τοὺσ τοιούτουσ διὰ τὸν φόβον ὑπεξαιρῶνται, τίνεσ ἄλλοι αὐτοῖσ καταλείπονται χρῆσθαι ἀλλ’ ἢ οἱ ἄδικοί τε καὶ ἀκρατεῖσ καὶ ἀνδραποδώδεισ;

οἱ μὲν ἄδικοι πιστευόμενοι, διότι φοβοῦνται ὥσπερ οἱ τύραννοι τὰσ πόλεισ μήποτε ἐλεύθεραι γενόμεναι ἐγκρατεῖσ αὐτῶν γένωνται, οἱ δ’ ἀκρατεῖσ τῆσ εἰσ τὸ παρὸν ἐξουσίασ ἕνεκα, οἱ δ’ ἀνδραποδώδεισ, διότι οὐδ’ αὐτοὶ ἀξιοῦσιν ἐλεύθεροι εἶναι. χαλεπὸν οὖν καὶ τοῦτο τὸ πάθημα ἔμοιγε δοκεῖ εἶναι, τὸ ἄλλουσ μὲν ἡγεῖσθαι ἀγαθοὺσ ἄνδρασ, ἄλλοισ δὲ χρῆσθαι ἀναγκάζεσθαι. ἔτι δὲ φιλόπολιν μὲν ἀνάγκη καὶ τὸν τύραννον εἶναι·

ἄνευ γὰρ τῆσ πόλεωσ οὔτ’ ἂν σῴζεσθαι δύναιτο οὔτ’ εὐδαιμονεῖν· ἡ δὲ τυραννὶσ ἀναγκάζει καὶ ταῖσ ἑαυτῶν πατρίσιν ἐνοχλεῖν. οὔτε γὰρ ἀλκίμουσ οὔτ’ εὐόπλουσ χαίρουσι τοὺσ πολίτασ παρασκευάζοντεσ, ἀλλὰ τοὺσ ξένουσ δεινοτέρουσ τῶν πολιτῶν ποιοῦντεσ ἥδονται μᾶλλον καὶ τούτοισ χρῶνται δορυφόροισ. ἀλλὰ μὴν οὐδ’ ἂν εὐετηριῶν γενομένων ἀφθονία τῶν ἀγαθῶν γίγνηται, οὐδὲ τότε συγχαίρει ὁ τύραννοσ.

ἐνδεεστέροισ γὰρ οὖσι ταπεινοτέροισ αὐτοῖσ οἰόνται χρῆσθαι.

일치하는 문장이 없습니다.

SEARCH

MENU NAVIGATION