헬라어 문장 검색 - ΠολψβίΗιστορί30́031́

(폴리비오스, Histories, book 30, chapter 31)

Μετὰ δὲ ταῦτα προσκαλεσαμένη τοὺσ Ῥοδίουσ διήκουε τούτων. ὁ δ’ Ἀστυμήδησ εἰσελθὼν μετρίωσ ἔστη καὶ βέλτιον ἢ κατὰ τὴν πρὸ ταύτησ πρεσβείαν·

ἀφέμενοσ γὰρ τοῦ κατηγορεῖν τῶν ἄλλων ὡρ́μησεν ἐπὶ τὸ παραιτεῖσθαι, καθάπερ οἱ μαστιγούμενοι τὰσ πληγάσ, φάσκων ἱκανοῖσ προστίμοισ περιπεπτωκέναι τὴν πατρίδα καὶ μείζοσι τῆσ ἁμαρτίασ.

κεφαλαιωδῶσ διεξιών, πρῶτον μὲν ὅτι Λυκίαν καὶ Καρίαν ἀπολωλέκασιν, εἰσ ἣν ἐξ ἀρχῆσ μὲν ἐδαπάνησαν χρημάτων ἱκανὸν πλῆθοσ, τριττοὺσ πολέμουσ ἀναγκασθέντεσ πολεμεῖν αὐτοῖσ, νυνὶ δὲ προσόδων ἐστέρηνται πολλῶν ὧν ἐλάμβανον παρὰ τῶν προειρημένων.

"ἀλλ’ ἴσωσ" ἔφη "ταῦτα μὲν ἔχει λόγον·

καὶ γὰρ ἐδώκαθ’ ὑμεῖσ αὐτὰ τῷ δήμῳ, μετὰ χάριτοσ διὰ τὴν εὔνοιαν, καὶ ἀφανίζοντεσ αὐτὰ κατὰ λόγον ἐδοκεῖτε τοῦτο πράττειν, ἐμπεσούσησ τινὸσ ὑποψίασ καὶ διαφορᾶσ ὑμῖν. ἀλλὰ Καῦνον δήπου διακοσίων ταλάντων ἐξηγοράσαμεν παρὰ τῶν Πτολεμαίου στρατηγῶν καὶ Στρατονίκειαν ἐλάβομεν ἐν μεγάλῃ χάριτι παρ’ Ἀντιόχου τοῦ Σελεύκου·

καὶ παρὰ τούτων τῶν πόλεων ἀμφοτέρων ἑκατὸν καὶ εἴκοσι τάλαντα τῷ δήμῳ πρόσοδοσ ἔπιπτε καθ’ ἕκαστον ἔτοσ.

θέλοντεσ πειθαρχεῖν τοῖσ ὑμετέροισ προστάγμασιν.

ἐξ ὧν μείζονα φόρον ἐπιτεθείκατε τοῖσ Ῥοδίοισ τῆσ ἀγνοίασ ἢ Μακεδόσι τοῖσ διὰ παντὸσ πολεμίοισ ὑμῖν ὑπάρξασι.

τὸ δὲ μέγιστον σύμπτωμα τῆσ πόλεωσ· καταλέλυται γὰρ ἡ τοῦ λιμένοσ πρόσοδοσ ὑμῶν, Δῆλον μὲν ἀτελῆ πεποιηκότων, ἀφῃρημένων δὲ τὴν τοῦ δήμου παρρησίαν, δι’ ἧσ καὶ τὰ κατὰ τὸν λιμένα καὶ τἄλλα πάντα τῆσ πόλεωσ ἐτύγχανε τῆσ ἁρμοζούσησ προστασίασ.

ὅτι δὲ τοῦτ’ ἔστιν ἀληθὲσ οὐ δυσχερὲσ καταμαθεῖν·

τοῦ γὰρ ἐλλιμενίου κατὰ τοὺσ ἀνώτερον χρόνουσ εὑρίσκοντοσ ἑκατὸν μυριάδασ δραχμῶν, νῦν ἀφῃρήκατε πεντεκαίδεκα μυριάδασ, ὥστε καὶ λίαν, ὦ ἄνδρεσ Ῥωμαῖοι, τὴν ὑμετέραν ὀργὴν ἧφθαι τῶν κυρίων πόρων τῆσ πόλεωσ.

εἰ μὲν οὖν συμβεβήκει πάνδημον γεγονέναι τὴν ἁμαρτίαν καὶ τὴν ἀλλοτριότητα τοῦ δήμου, τάχ’ ἴσωσ ἐδοκεῖτε κἂν ὑμεῖσ εὐλόγωσ ἐπίμονον καὶ δυσπαραίτητον ἔχειν τὴν ὀργήν·

καὶ ταῦτα πρὸσ τοὺσ ἄλλουσ ἅπαντασ εἶναι δοκοῦντεσ πρᾳότατοι καὶ μεγαλοψυχότατοι;

διόπερ, ὦ ἄνδρεσ, ἀπολωλεκὼσ ὁ δῆμοσ τὰσ προσόδουσ, τὴν παρρησίαν, τὴν ἰσολογίαν, ὑπὲρ ὧν τὸν πρὸ τοῦ χρόνον πᾶν ἀναδεχόμενοσ διατετέλεκεν, ἀξιοῖ καὶ δεῖται πάντων ὑμῶν, ἱκανὰσ ἔχων πληγάσ, λήξαντασ τῆσ ὀργῆσ διαλυθῆναι καὶ συνθέσθαι τὴν συμμαχίαν, ἵνα γένηται τοῦτο συμφανὲσ ἅπασιν ὅτι τὴν μὲν ὀργὴν ἀποτέθεισθε τὴν πρὸσ Ῥοδίουσ, ἀνακεχωρήκατε δ’ ἐπὶ τὴν ἐξ ἀρχῆσ αἱρ́εσιν καὶ φιλίαν.

τούτου γὰρ χρείαν ἔχει νῦν ὁ δῆμοσ, οὐ τῆσ διὰ τῶν ὅπλων καὶ στρατιωτῶν συμμαχίασ.

" ταῦτα μὲν οὖν καὶ τούτοισ παραπλήσια διαλεχθεὶσ Ἀστυμήδησ ἐδόκει πρεπόντωσ τοῖσ καιροῖσ πεποιῆσθαι τοὺσ λόγουσ·

πλεῖστά γε μὴν συνήργησαν τοῖσ Ῥοδίοισ πρὸσ τὸ τυχεῖν τῆσ συμμαχίασ οἱ περὶ τὸν Τεβέριον ἄρτι παραγεγονότεσ.

οὗτοι γὰρ ἀπομαρτυρήσαντεσ πρῶτον μὲν πᾶσιν τοῖσ τῆσ συγκλήτου δόγμασι πεπειθαρχηκέναι τοὺσ Ῥοδίουσ, ἔπειτα πάντασ τοὺσ αἰτίουσ τῆσ ἀλλοτριότητοσ κατακεκρίσθαι θανάτου παρ’ αὐτοῖσ, ἥττησαν τοὺσ ἀντιλέγοντασ καὶ ἐποιήσαντο τὴν πρὸσ Ῥωμαίουσ συμμαχίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, chapter 31

(폴리비오스, Histories, book 30, chapter 31)

상위

목록

SEARCH

MENU NAVIGATION