Polybius, Histories, book 30, chapter 18

(폴리비오스, Histories, book 30, chapter 18)

Ὅτι κατὰ τὸν αὐτὸν καιρὸν ἦλθε καὶ Προυσίασ ὁ βασιλεὺσ εἰσ τὴν Ῥώμην, συγχαρησόμενοσ τῇ συγκλήτῳ καὶ τοῖσ στρατηγοῖσ ἐπὶ τοῖσ γεγονόσιν. ὁ δὲ Προυσίασ οὗτοσ οὐδαμῶσ γέγονεν ἄξιοσ τοῦ τῆσ βασιλείασ προσχήματοσ.

τεκμήραιτο δ’ ἄν τισ ἐκ τούτων. ὅσ γε πρῶτον μέν, πρεσβευτῶν παραγεγονότων Ῥωμαϊκῶν πρὸσ αὐτόν, ἐξυρημένοσ τὴν κεφαλὴν καὶ πιλίον ἔχων λευκὸν καὶ τήβενναν καὶ καλικίουσ ἀπήντα τούτοισ, καὶ καθόλου τοιαύτῃ διασκευῇ κεχρημένοσ οἱάν ἔχουσιν οἱ προσφάτωσ ἠλευθερωμένοι παρὰ Ῥωμαίοισ, οὓσ καλοῦσι λιβέρτουσ·

καὶ δεξιωσάμενοσ τοὺσ πρεσβευτάσ "Ὁρᾶτ’" ἔφη "τὸν ὑμέτερον λίβερτον ἐμέ, πάντα βουλόμενον χαρίζεσθαι καὶ μιμεῖσθαι τὰ παρ’ ὑμῖν.

" ἧσ ἀγεννεστέραν φωνὴν οὐ ῥᾴδιον εὑρεῖν. τότε δὲ κατὰ τὴν εἴσοδον γενόμενοσ τὴν εἰσ τὴν σύγκλητον, στὰσ κατὰ τὸ θύρετρον ἀντίοσ τοῦ συνεδρίου καὶ καθεὶσ τὰσ χεῖρασ ἀμφοτέρασ προσεκύνησε τὸν οὐδὸν καὶ τοὺσ καθημένουσ, ἐπιφθεγξάμενοσ "Χαίρετε, θεοὶ σωτῆρεσ", ὑπερβολὴν οὐ καταλιπὼν ἀνανδρίασ, ἅμα δὲ καὶ γυναικισμοῦ καὶ κολακείασ οὐδενὶ τῶν ἐπιγινομένων.

ἀκόλουθα δὲ τούτοισ καὶ κατὰ τὴν κοινολογίαν εἰσελθὼν ἐπετελέσατο, περὶ ὧν καὶ τὸ γράφειν ἀπρεπὲσ ἦν.

φανεὶσ δὲ τελέωσ εὐκαταφρόνητοσ ἀπόκρισιν ἔλαβε δι’ αὐτὸ τοῦτο φιλάνθρωπον.

일치하는 문장이 없습니다.

SEARCH

MENU NAVIGATION