Polybius, Histories, book 30, chapter 5

(폴리비오스, Histories, book 30, chapter 5)

Τὴν δὲ προειρημένην ἀπόκρισιν οἱ μὲν περὶ τὸν Φιλοκράτην λαβόντεσ ἐξ αὐτῆσ ὡρ́μησαν, οἱ δὲ περὶ τὸν Φιλόφρονα καὶ Ἀστυμήδην αὐτόθι μένοντεσ παρήδρευον χάριν τοῦ μηδὲν αὐτοὺσ λανθάνειν τῶν προσπιπτόντων ἢ λεγομένων κατὰ τῆσ πατρίδοσ. προσπεσούσησ δὲ τῆσ ἀποκρίσεωσ ταύτησ εἰσ τὴν Ῥόδον, δόξαντεσ ἀπολελύσθαι τοῦ μεγίστου φόβου τοῦ κατὰ τὸν πόλεμον, τἄλλα καίπερ ἀκμὴν ὄντα δυσχερῆ ῥᾳδίωσ ἔφερον.

οὕτωσ αἰεὶ τὰ μείζω τῶν προσδοκωμένων κακῶν λήθην ποιεῖ τῶν ἐλαττόνων συμπτωμάτων.

διὸ καὶ παραχρῆμα ψηφισάμενοι τῇ Ῥώμῃ στέφανον ἀπὸ μυρίων χρυσῶν καὶ καταστήσαντεσ πρεσβευτὴν ἅμα καὶ ναύαρχον Θεαίδητον ἐξέπεμπον θερείασ ἀρχομένησ ἄγοντα τὸν στέφανον καὶ μετὰ τούτου τοὺσ περὶ Ῥοδοφῶντα, πειρασομένουσ κατὰ πάντα τρόπον συμμαχίαν συνθέσθαι πρὸσ Ῥωμαίουσ.

τοῦτο δ’ ἐποίησαν οὐ βουλόμενοι διὰ τοῦ ψηφίσματοσ καὶ πρεσβείασ ἀποτυχεῖν, ἐὰν ἄλλωσ δόξῃ Ῥωμαίοισ, δι’ αὐτῆσ δὲ τῆσ τοῦ ναυάρχου προαιρέσεωσ τὴν κατάπειραν ποιήσασθαι·

τὴν γὰρ ἐξουσίαν εἶχε ταύτην ὁ ναύαρχοσ ἐκ τῶν νόμων. οὕτωσ γὰρ ἦν πραγματικὸν τὸ πολίτευμα τῶν Ῥοδίων ὡσ σχεδὸν ἔτη τετταράκοντα πρὸσ τοῖσ ἑκατὸν κεκοινωνηκὼσ ὁ δῆμοσ Ῥωμαίοισ τῶν ἐπιφανεστάτων καὶ καλλίστων ἔργων οὐκ ἐπεποίητο πρὸσ αὐτοὺσ συμμαχίαν.

τίνοσ δὲ χάριν οὕτωσ ἐχείριζον οἱ Ῥόδιοι τὰ καθ’ αὑτοὺσ οὐκ ἄξιον παραλιπεῖν.

βουλόμενοι γὰρ μηδένα τῶν ἐν ταῖσ ὑπεροχαῖσ καὶ δυναστείαισ ἀπελπίζειν τὴν ἐξ αὑτῶν ἐπικουρίαν καὶ συμμαχίαν, οὐκ ἐβούλοντο συνδυάζειν οὐδὲ προκαταλαμβάνειν σφᾶσ αὐτοὺσ ὁρ́κοισ καὶ συνθήκαισ, ἀλλ’ ἀκέραιοι διαμένοντεσ κερδαίνειν τὰσ ἐξ ἑκάστων ἐλπίδασ.

τότε δὲ μεγάλην ἐποιοῦντο φιλοτιμίαν, βουλόμενοι ταύτησ τῆσ τιμῆσ τυχεῖν παρὰ Ῥωμαίων, οὐ κατεπειγόμενοι συμμαχίασ οὐδ’ ἀγωνιῶντεσ ἁπλῶσ οὐδένα κατὰ τὸ παρὸν πλὴν αὐτῶν τῶν Ῥωμαίων, ἀλλὰ βουλόμενοι κατὰ τὴν ὑπέρθεσιν τῆσ ἐπιβολῆσ ἀφαιρεῖσθαι τὰσ ὑπονοίασ τῶν δυσχερέσ τι διανοουμένων περὶ τῆσ πόλεωσ.

ἀπέστησαν Καύνιοι, κατελάβοντο δὲ καὶ Μυλασεῖσ τὰσ ἐν Εὐρώμῳ πόλεισ.

κατὰ δὲ τὸν αὐτὸν καιρὸν ἡ σύγκλητοσ ἐξέβαλε δόγμα διότι δεῖ Κᾶρασ καὶ Λυκίουσ ἐλευθέρουσ εἶναι πάντασ, ὅσουσ προσένειμε Ῥοδίοισ μετὰ τὸν Ἀντιοχικὸν πόλεμον.

τὰ μὲν οὖν κατὰ τοὺσ Καυνίουσ καὶ τοὺσ Εὐρωμεῖσ ταχέωσ οἱ Ῥόδιοι διωρθώσαντο·

καίπερ Κιβυρατῶν αὐτοῖσ παραβοηθησάντων, ἐπὶ δὲ τὰσ ἐν Εὐρώμῳ πόλεισ στρατεύσαντεσ ἐνίκησαν μάχῃ Μυλασεῖσ καὶ Ἀλαβανδεῖσ, ἀμφοτέρων παραγενομένων μετὰ στρατιᾶσ ἐπ’ Ὀρθωσίαν.

τοῦ δὲ περὶ τῶν Λυκίων καὶ Καρῶν δόγματοσ αὐτοῖσ προσπεσόντοσ, πάλιν ἀπεσοβήθησαν ταῖσ διανοίαισ, δείσαντεσ μή ποτε μάταιοσ μὲν αὐτοῖσ ἡ τοῦ στεφάνου δόσισ γέγονε, μάταιοι δ’ αἱ περὶ τῆσ συμμαχίασ ἐλπίδεσ.

일치하는 문장이 없습니다.

SEARCH

MENU NAVIGATION