헬라어 문장 검색 - ΠολψβίΗιστορί30́001́

(폴리비오스, Histories, book 30, a. olymp. 153, 1. i. res italiae)

ἔχων μὲν πρόφασιν, εἰ καὶ μὴ τὸ κατὰ τοὺσ Γαλάτασ ἐγεγόνει σύμπτωμα περὶ τὴν βασιλείαν, ὅμωσ ἐλθεῖν εἰσ τὴν Ῥώμην ἕνεκεν τοῦ συγχαρῆναι τῇ συγκλήτῳ καὶ τυχεῖν τινοσ ἐπισημασίασ διὰ τὸ συμπεπολεμηκέναι καὶ πάντων εὐμενῶσ σφίσι μετεσχηκέναι τῶν κινδύνων· τότε δὲ καὶ διὰ τὴν Γαλατικὴν περίστασιν ἠναγκασμένοσ ἧκεν εἰσ τὴν Ῥώμην.

πάντων δὲ φιλοφρόνωσ αὐτὸν ἀποδεχομένων διά τε τὴν ἐν τῇ στρατείᾳ γεγενημένην συνήθειαν καὶ διὰ τὸ δοκεῖν εὔνουν αὐτοῖσ ὑπάρχειν, καὶ γινομένησ τῆσ ἀπαντήσεωσ ὑπὲρ τὴν προσδοκίαν, μετέωροσ ἐγενήθη ταῖσ ἐλπίσιν, οὐκ εἰδὼσ τὴν ἀληθινὴν αἰτίαν τῆσ ἀποδοχῆσ.

διὸ καὶ παρ’ ὀλίγον ἦλθε τοῦ λυμήνασθαι τὰ σφέτερα πράγματα καὶ τὴν ὅλην βασιλείαν.

ἔνιοι τῶν ἐπιφανῶν ἀνδρῶν λαμβάνοντεσ εἰσ τὰσ χεῖρασ τὸν Ἄτταλον παρεκάλουν τὴν μὲν ὑπὲρ τἀδελφοῦ πρεσβείαν ἀποθέσθαι, περὶ δ’ ἑαυτοῦ ποιεῖσθαι τοὺσ λόγουσ·

βούλεσθαι γὰρ αὐτῷ τὴν σύγκλητον συγκατασκευάζειν ἰδίαν ἀρχὴν καὶ δυναστείαν διὰ τὴν ἀλλοτριότητα τὴν πρὸσ τὸν ἀδελφόν.

ἐφ’ οἷσ συνέβαινε τὸν Ἄτταλον ἐπὶ πολὺ μετεωρίζεσθαι καὶ συγκατανεύειν ἐν ταῖσ κατ’ ἰδίαν ὁμιλίαισ τοῖσ εἰσ τοῦτο τὸ μέροσ αὐτὸν παρορμῶσι.

τέλοσ δὲ πρὸσ ἐνίουσ τῶν ἀξιολόγων ἀνδρῶν συνέθετο καὶ παρελθὼν εἰσ τὴν σύγκλητον ποιήσεσθαι τοὺσ περὶ τούτων λόγουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, a. olymp. 153, 1. i. res italiae

(폴리비오스, Histories, book 30, a. olymp. 153, 1. i. res italiae)

상위

목록

SEARCH

MENU NAVIGATION