Polybius, Histories, book 30, chapter 8

(폴리비오스, Histories, book 30, chapter 8)

φοί, παρὰ δὲ Ῥοδίοισ Δείνων καὶ Πολυάρατοσ. ὧν τίσ οὐκ ἂν καταμέμψαιτο τὴν προαίρεσιν; ἅμα δὲ καὶ τῶν ἀνθρώπων ὑποχειρίων γεγονότων τῶν διαπεμπομένων παρ’ ἑκατέρων καὶ πρὸσ ἑκατέρουσ, οὐχ οἱοῖ́ τ’ ἦσαν εἴκειν οὐδ’ ἐκποδὼν ποιεῖν ἑαυτούσ, ἀλλ’ ἀκμὴν ἠμφισβήτουν.

τοιγαροῦν προσκαρτεροῦντεσ καὶ φιλοζωοῦντεσ πρὸσ ἀπεγνωσμένασ ἐλπίδασ καὶ τὸ δοκοῦν εἶναι περὶ αὐτοὺσ τολμηρὸν καὶ παράβολον ἀνέτρεψαν, ὥστε παρὰ τοῖσ ἐπιγινομένοισ μηδ’ ἔσχατον ἐλέῳ καὶ συγγνώμῃ τόπον καταλιπεῖν.

ἐλεγχόμενοι γὰρ κατὰ πρόσωπον ὑπὸ τῶν ἰδίων χειρογράφων καὶ τῶν ὑπουργῶν οὐ μόνον ἀτυχεῖν, ἔτι δὲ μᾶλλον ἀναισχυντεῖν ἔδοξαν.

Θόασ γάρ τισ ἦν τῶν πλοϊζομένων, ὃσ καὶ πολλάκισ εἰσ τὴν Μακεδονίαν ἐπεπλεύκει, διαπεσταλμένοσ ὑπὸ τῶν προειρημένων.

οὗτοσ ἐν τῇ μεταβολῇ τῶν πραγμάτων συνειδὼσ αὑτῷ τὰ πεπραγμένα, δείσασ ἀπεχώρησεν εἰσ τὴν Κνίδον.

τῶν δὲ Κνιδίων αὐτὸν εἰσ φυλακὴν ἀποθεμένων, ἐξαιτηθεὶσ ὑπὸ τῶν Ῥοδίων ἦλθεν εἰσ τὴν Ῥόδον. κἀκεῖ διὰ τῶν βασάνων ἐλεγχόμενοσ ἀνθωμολογεῖτο καὶ σύμφωνοσ ἦν πᾶσι τοῖσ ἐκ τῶν αἰχμαλώτων γραμμάτων συνθήμασιν, ὁμοίωσ δὲ καὶ ταῖσ ἐπιστολαῖσ ταῖσ παρά τε τοῦ Περσέωσ ἀποστελλομέναισ πρὸσ τὸν Δείνωνα καὶ Πολυάρατον καὶ παρὰ τούτων πρὸσ ἐκεῖνον.

ἐξ ὧν θαυμάζειν ἦν τίνι ποτὲ λογισμῷ χρώμενοσ ὁ Δείνων προσανεῖχε τῷ ζῆν καὶ τὸν παραδειγματισμὸν ὑπέμενε τοῦτον.

일치하는 문장이 없습니다.

SEARCH

MENU NAVIGATION