헬라어 문장 검색 - ΠολψβίΗιστορί30́003́

(폴리비오스, Histories, book 30, chapter 3)

Διόπερ εἰσελθὼν εἰσ τὴν σύγκλητον ὁ προειρημένοσ συνεχάρη μὲν ἐπὶ τοῖσ γεγονόσιν καὶ περὶ τῆσ καθ’ αὑτὸν εὐνοίασ καὶ προθυμίασ, ἣν παρέσχετο κατὰ τὸν πρὸσ Περσέα πόλεμον, ἀπελογίσατο· παραπλησίωσ δὲ καὶ περὶ τοῦ πέμψαι πρεσβευτὰσ τοὺσ παρακαθέξοντασ τὴν τῶν Γαλατῶν ἀπόνοιαν καὶ πάλιν εἰσ τὴν ἐξ ἀρχῆσ αὐτοὺσ ἀποκαταστήσοντασ διάθεσιν παρεκάλεσε διὰ πλειόνων.

ἐποιήσατο δὲ λόγουσ καὶ περὶ τῆσ Αἰνίων καὶ τῆσ Μαρωνειτῶν πόλεωσ, ἀξιῶν αὑτῷ δοθῆναι ταύτασ ἐν δωρεᾷ.

τὸν δὲ κατὰ τοῦ βασιλέωσ λόγον καὶ τὸν περὶ τοῦ μερισμοῦ τῆσ ἀρχῆσ εἰσ τέλοσ παρεσιώπησεν.

ἡ δὲ σύγκλητοσ ὑπολαμβάνουσα πάλιν αὐτὸν ἰδίᾳ περὶ τούτων εἰσπορεύσεσθαι, τούσ τε πρεσβευτὰσ συμπέμψειν ὑπέσχετο καὶ τοῖσ εἰθισμένοισ δώροισ ἐτίμησεν αὐτὸν μεγαλομερῶσ·

ἐπηγγείλατο δὲ καὶ τὰσ προειρημένασ πόλεισ δώσειν. ἔτι δὲ κατὰ τὴν Ἰταλίαν ὄντοσ αὐτοῦ τὴν μὲν Αἶνον καὶ τὴν Μαρώνειαν ἠλευθέρωσεν, ἀθετήσασα τὴν ἐπαγγελίαν, τοὺσ δὲ περὶ τὸν Πόπλιον Λικίννιον ἔπεμψε πρεσβευτὰσ πρὸσ τοὺσ Γαλάτασ.

οἷσ ποίασ μὲν ἔδωκεν ἐντολὰσ εἰπεῖν οὐ ῥᾴδιον, στοχάζεσθαι δ’ ἐκ τῶν μετὰ ταῦτα συμβάντων οὐ δυσχερέσ.

τοῦτο δ’ ἔσται δῆλον ἐκ τῶν πράξεων αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, chapter 3

(폴리비오스, Histories, book 30, chapter 3)

상위

목록

SEARCH

MENU NAVIGATION