Polybius, Histories, book 30, chapter 13

(폴리비오스, Histories, book 30, chapter 13)

Ὅτι μετὰ τὴν τοῦ Περσέωσ κατάλυσιν ἅμα τῷ κριθῆναι τὰ ὅλα πανταχόθεν ἐξέπεμπον πρέσβεισ συγχαρησομένουσ τοῖσ στρατηγοῖσ ἐπὶ τοῖσ γεγονόσιν. τῶν δὲ πραγμάτων ὁλοσχερῶσ ἐπὶ Ῥωμαίουσ κεκλικότων, ἐπιπολάζοντεσ διὰ τὸν καιρὸν οἱ δοκοῦντεσ εἶναι φίλοι Ῥωμαίων ἐν πᾶσι τοῖσ πολιτεύμασιν, εἴσ τε τὰσ πρεσβείασ οὗτοι καθίσταντο καὶ τὰσ ἄλλασ χρείασ.

ἐκ δὲ Βοιωτίασ οἱ περὶ Μνάσιππον, ἐκ δὲ τῆσ Ἀκαρνανίασ οἱ περὶ Χρέμαν, παρὰ δὲ τῶν Ἠπειρωτῶν οἱ περὶ τὸν Χάροπα καὶ Νικίαν, παρὰ δὲ τῶν Αἰτωλῶν οἱ περὶ τὸν Λυκίσκον καὶ Τίσιππον.

ἁπάντων δὲ τούτων ὁμοῦ γενομένων καὶ πρὸσ τὴν αὐτὴν ὑπόθεσιν ἁμιλλωμένων προθύμωσ, καὶ μηδενὸσ ὑπάρχοντοσ ἀνταγωνιστοῦ διὰ τὸ τοὺσ ἀντιπολιτευομένουσ ἅπαντασ εἴκοντασ τοῖσ καιροῖσ ἀνακεχωρηκέναι τελέωσ, ἀκονιτὶ κατεκράτησαν τῆσ ὑποθέσεωσ οἱ προειρημένοι.

πρὸσ μὲν οὖν τὰσ ἄλλασ πόλεισ καὶ τὰσ ἐθνικὰσ συστάσεισ οἱ δέκα δι’ αὐτῶν τῶν στρατηγῶν ἐποιήσαντο τὴν ἐπιταγήν, οὓσ δεήσει πορεύεσθαι τῶν ἀνδρῶν εἰσ τὴν Ῥώμην.

οὗτοι δ’ ἦσαν ὡσ ἐπίπαν οὓσ ἀπέγραψαν οἱ προειρημένοι κατὰ τὰσ ἰδίασ ἀντιπαραγωγάσ, πλὴν ὀλίγων τελέωσ τῶν ἔκδηλόν τι πεποιηκότων.

ὃ κατ’ ἀλήθειαν ἦν, δεύτερον δὲ διὰ τὸ μηθὲν ἐν τοῖσ αἰχμαλώτοισ γράμμασιν ἀκριβὲσ εὑρῆσθαι κατὰ μηδενὸσ τῶν Ἀχαιῶν.

περὶ μὲν οὖν τούτων μετά τινα χρόνον ἐξέπεμπεν ὁ στρατηγὸσ τὰσ ἐπιστολὰσ καὶ τοὺσ πρέσβεισ, καίπερ οὐκ εὐδοκούμενοσ κατά γε τὴν αὑτοῦ γνώμην ταῖσ τῶν περὶ τὸν Λυκίσκον καὶ Καλλικράτην διαβολαῖσ, ὡσ ἐξ αὐτῶν τῶν πραγμάτων ὕστερον ἐγένετο καταφανέσ.

일치하는 문장이 없습니다.

SEARCH

MENU NAVIGATION