헬라어 문장 검색 - Πλυταρ́Λιϝεσ́37́

(플루타르코스, Lives, chapter 37)

ὁ δὲ Ῥωμαίων δῆμοσ ἐν ὅσῳ φόβῳ καί κινδύνῳ καθειστήκει τοῦ πολέμου παρόντοσ, αἴσθησιν παρέσχε μᾶλλον λυθέντοσ. ἅμα γὰρ ἀφεώρων τοὺσ Οὐολούσκουσ ἀναζευγνύοντασ οἱ περὶ τὰ τείχη, καί πᾶν εὐθὺσ ἱερὸν ἀνεῴγει στεφανηφορούντων ὥσπερ ἐπὶ νίκῃ καί θυόντων. μάλιστα δὲ τῇ περὶ τὰσ γυναῖκασ ἀγαπήσει καί τιμῇ τῆσ τε βουλῆσ τοῦ τε πλήθουσ ἅπαντοσ ἔνδηλοσ ἦν ἡ χαρὰ τῆσ πόλεωσ, καί λεγόντων καί νομιζόντων γεγονέναι τῆσ σωτηρίασ περὶ φανῶσ ἐκείνασ αἰτίασ. ψηφισαμένησ δὲ τῆσ βουλῆσ, ὅ τι ἂν αὑταῖσ ἀξιώσωσι γενέσθαι πρὸσ δόξαν ἢ χάριν, τοῦτο ποιῆσαι καί παρασχεῖν τοὺσ ἄρχοντασ, οὐδὲν ἠξίωσαν ἄλλο ἢ Τύχησ γυναικείασ ἱερὸν ἱδρύσασθαι, τὸ μὲν ἀνάλωμα συμβαλόμεναι παρ’ αὑτῶν, ἱερουργίασ δὲ καί τιμὰσ, ὅσαι θεοῖσ πρέπουσι, δημοσίᾳ τῆσ πόλεωσ ἀναλαβούσησ.

ἐπεὶ δὲ ἡ βουλὴ τὴν μὲν φιλοτιμίαν ἐπῄνεσε, δημοσίαισ δὲ δαπάναισ ἐποιήσατο τὸν νεὼν καί τὸ ἕδοσ, οὐδὲν ἧττον αὐταὶ χρήματα συνεισενεγκοῦσαι δεύτερον ἄγαλμα κατεσκεύασαν, ὃ δὴ καί φασι Ῥωμαῖοι καθιστάμενον ἐν τῷ ἱερῷ φθέγξασθαί τι τοιοῦτον·

"θεοφιλεῖ με θεσμῷ γυναῖκεσ δεδώκατε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 37

(플루타르코스, Lives, chapter 37)

상위

목록

SEARCH

MENU NAVIGATION