헬라어 문장 검색 - Πλυταρ́Λιϝεσ́14́

(플루타르코스, Lives, chapter 14)

ὀλίγου δὲ χρόνου μετῄει μὲν ὑπατείαν ὁ Μάρκιοσ, ἐκάμπτοντο δὲ οἱ πολλοί, καὶ τὸν δῆμον αἰδώσ τισ εἶχεν ἄνδρα καὶ γένει καὶ ἀρετῇ πρῶτον ἀτιμάσαι καὶ καταβαλεῖν ἐπὶ τοσούτοισ καὶ τηλικούτοισ εὐεργετήμασι. οὐ γὰρ ὑποψίᾳ δήπου διανομῆσ ἀργυρίου καὶ δεκασμῶν ἄζωστον ἐβούλοντο προσιέναι καὶ ἀχίτωνα τοῖσ πολίταισ τὸν δεόμενον αὐτῶν ὀψὲ γὰρ μετὰ πολὺν χρόνον ὠνὴ καὶ πρᾶσισ ἐπεισῆλθε, καὶ συνεμίγη ταῖσ ἐκκλησιαστικαῖσ ψήφοισ ἀργύριον, ἐκ δὲ τούτου καὶ δικαστῶν θιγοῦσα καὶ στρατοπέδων ἡ δωροδοκία περιέστησεν εἰσ μοναρχίαν τὴν πόλιν, ἐξανδραποδισαμένη τὰ ὅπλα τοῖσ χρήμασιν.

οὐ γὰρ κακῶσ ἐοίκεν εἰπεῖν ὁ εἰπὼν ὅτι πρῶτοσ κατέλυσε τὸν δῆμον ὁ πρῶτοσ ἑστιάσασ καὶ δεκάσασ.

φαίνεται δὲ κρύφα καὶ κατὰ μικρὸν ὑπορρέον οὐκ εὐθὺσ ἔκδηλον ἐν Ῥώμῃ γενέσθαι τὸ κακόν, οὐ γὰρ ἴσμεν ὅστισ ἦν ὁ δεκάσασ πρῶτοσ ἐν Ῥώμῃ δῆμον ἢ δικαστήριον· Ἀθήνησι δὲ λέγεται πρῶτοσ ἀργύριον δοῦναι δικασταῖσ Ἄνυτοσ ὁ Ἀνθεμίωνοσ, προδοσίασ περὶ Πύλου κρινόμενοσ, ἐν τοῖσ Πελοποννησιακοῖσ ἤδη τελευτῶσιν, ὁπηνίκα τὸ χρυσοῦν ἔτι γένοσ καὶ ἀκήρατον ἐν Ῥώμῃ τὴν ἀγορὰν κατεῖχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Lives, chapter 14

(플루타르코스, Lives, chapter 14)

상위

목록

SEARCH

MENU NAVIGATION