헬라어 문장 검색 - Πλυταρ́Λιϝεσ́24́

(플루타르코스, Lives, chapter 24)

τὴν δὲ Ῥώμην ἥ τε τῶν πατρικίων δυσμένεια πρὸσ τὸν δῆμον, οὐχ ἥκιστα τὴν τοῦ Μαρκίου καταδίκην αἰτίαν ἐχόντων, ἐτάραττε, καὶ πολλὰ δαιμόνια μάντεισ καὶ ἱερεῖσ καὶ ἰδιῶται προσήγγελλον ἄξια φροντίδοσ. ἓν δὲ λέγεται τοιοῦτό τι γενέσθαι. Τίτοσ ἦν Λατῖνοσ, ἀνὴρ οὐκ ἄγαν ἐπιφανήσ, ἀπράγμων δὲ καὶ μέτριοσ ἄλλωσ καὶ καθαρὸσ δεισιδαιμονίασ, ἔτι δὲ μᾶλλον ἀλαζονείασ. οὗτοσ ὄναρ εἶδεν ὡσ τοῦ Διὸσ εἰσ ὄψιν ἥκοντοσ αὐτῷ καὶ κελεύοντοσ εἰπεῖν πρὸσ τὴν σύγκλητον ὅτι κακὸν τὸν ὀρχηστὴν ἔστειλαν αὐτῷ πρὸ τῆσ πομπῆσ καὶ ἀτερπέστατον.

ἰδὼν δὲ τὴν ὄψιν ἔλεγε μὴ πάνυ φροντίσαι τὸ πρῶτον ὡσ δὲ καὶ δεύτερον ἰδὼν καὶ τρίτον ἠμέλησε, παιδόσ τε χρηστοῦ θάνατον ἐπιδεῖν καὶ τοῦ σώματοσ ἄφνω παρεθέντοσ ἀκρατὴσ γενέσθαι. ταῦτα δ’ ἐν κλινιδίῳ φοράδην κομισθεὶσ εἰσ τὴν σύγκλητον ἀπήγγειλεν.

ἀπαγγείλασ δ’, ὥσ φασιν, εὐθὺσ ᾔσθετο ῥωννύμενον αὑτοῦ τὸ σῶμα, καὶ ἀναστὰσ ἀπῄει δι’ αὑτοῦ βαδίζων, θαυμάσαντεσ οὖν οἱ βουλευταὶ πολλὴν ἐποιήσαντο τοῦ πράγματοσ ζήτησιν. ἦν δὲ τοιοῦτον· οἰκέτην τισ αὑτοῦ παραδοὺσ οἰκέταισ ἑτέροισ ἐκέλευσεν ἐξάγειν δι’ ἀγορᾶσ μαστιγοῦντασ, εἶτ’ ἀποκτεῖναι. ταῦτα πράττουσιν αὐτοῖσ καὶ τὸν ἄνθρωπον αἰκιζομένοισ, στροφάσ τε παντοδαπὰσ ὑπ’ ὀδύνησ στρεφόμενον καὶ κινήσεισ ἄλλασ ἀτερπεῖσ τῷ περιπαθεῖν κινούμενον, ἡ πομπὴ κατὰ τύχην ἠκολουθήκει.

καὶ πολλοὶ μὲν ἐδυσχέραινον τῶν παρόντων, οὔτε ὄψιν ἱλαρὰν ὁρῶντεσ οὔτε κινήσεισ πρεπούσασ, οὐδεὶσ δ’ ἐπεξῆλθεν, ἀλλὰ λοιδορίαι μόνον ἐγένοντο καὶ κατάραι τῷ πικρῶσ οὕτωσ κολάζοντι. καὶ γὰρ ἐχρῶντο πολλῇ πρὸσ τοὺσ οἰκέτασ ἐπιεικείᾳ τότε, διὰ αὐτουργίαν καὶ τὸ κοινωνεῖν διαίτησ ἡμερώτερον ἔχοντεσ πρὸσ αὐτοὺσ καὶ συνηθέστερον. ἦν δὲ μεγάλη κόλασισ οἰκέτου πλημμελήσαντοσ, εἰ ξύλον ἁμάξησ, ᾧ τὸν ῥυμὸν ὑπερείδουσιν, ἀράμενοσ διεξέλθοι παρὰ τὴν γειτνίασιν.

γὰρ τοῦτο παθὼν καὶ ὀφθεὶσ παρὰ τῶν συνοίκων καὶ γειτόνων οὐκέτι πίστιν εἶχεν.

ἐκαλεῖτο δὲ φούρκιφερ· ὃ γὰρ οἱ Ἕλληνεσ ὑποστάτην καὶ στήριγμα, τοῦτο Ῥωμαῖοι φοῦρκαν ὀνομάζουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 24

(플루타르코스, Lives, chapter 24)

상위

목록

SEARCH

MENU NAVIGATION