헬라어 문장 검색 - Πλυταρ́Λιϝεσ́26́

(플루타르코스, Lives, chapter 26)

ὁ δὲ Μάρκιοσ καὶ Τύλλοσ ἐν Ἀντίῳ τοῖσ δυνατωτάτοισ κρύφα διελέγοντο, καὶ παρεκάλουν, ἑώσ στασιάζουσιν οἱ Ῥωμαῖοι πρὸσ ἀλλήλουσ, τὸν πόλεμον ἐξενεγκεῖν. τῶν δὲ δυσωπουμένων, ὅτι σπονδαὶ διέτεισ ἦσαν αὐτοῖσ καὶ ἀνοχαὶ γεγενημέναι, πρόφασιν αὐτοὶ Ῥωμαῖοι παρέσχον, ἔκ τινοσ ὑποψίασ ἢ διαβολῆσ ἐν θέαισ καὶ ἀγῶσι κηρύξαντεσ ἀπιέναι Οὐολούσκουσ πρὸ ἡλίου δύνοντοσ ἐκ τῆσ πόλεωσ, ἔνιοι δέ φασιν ἀπάτῃ τοῦ Μαρκίου καὶ δόλῳ γενέσθαι τοῦτο, πέμψαντοσ εἰσ Ῥώμην πρὸσ τοὺσ ἄρχοντασ οὐκ ἀληθῆ κατήγορον τῶν Οὐολούσκων, ὡσ ἐν ταῖσ θέαισ διανοουμένων ἐπιθέσθαι τοῖσ Ῥωμαίοισ καὶ τὴν πόλιν ἐμπιπρᾶν. πάντασ μὲν γὰρ αὐτοὺσ τὸ κήρυγμα τοῦτο δυσμενεστέρουσ ἐποίησε τοῖσ Ῥωμαίοισ· ὁ δὲ Τύλλοσ ἐπὶ μεῖζον αἴρων τὸ πρᾶγμα καὶ παροξύνων τέλοσ ἔπεισε πέμψαντασ εἰσ Ῥώμην τήν τε χώραν ἀπαιτεῖν καὶ τὰσ πόλεισ, ὅσασ ἀφῄρηνται πολέμῳ τῶν Οὐολούσκων.

οἱ δὲ Ῥωμαῖοι τῶν πρέσβεων ἀκούσαντεσ ἠγανάκτησαν, καὶ ἀπεκρίναντο προτέρουσ μὲν ἀναλήψεσθαι τὰ ὅπλα τοὺσ Οὐολούσκουσ, ὑστέρουσ δὲ καταθήσεσθαι Ῥωμαίουσ.

ἐκ τούτου συναγαγὼν ἐκκλησίαν πάνδημον ὁ Τύλλοσ, ἐπεὶ τὸν πόλεμον ἐψηφίσαντο, συνεβούλευε τὸν Μάρκιον καλέσαι, μηδὲν αὐτῷ μνησικακοῦντασ, ἀλλὰ πιστεύσαντασ ὅτι συμμαχῶν ὠφελήσει ὅσα πολεμῶν οὐκ ἔβλαψεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 26

(플루타르코스, Lives, chapter 26)

상위

목록

SEARCH

MENU NAVIGATION