헬라어 문장 검색 - Πλυταρ́Λιϝεσ́36́

(플루타르코스, Lives, chapter 36)

ταῦτα τῆσ Οὐολουμνίασ λεγούσησ ὁ Μάρκιοσ ἠκροᾶτο μηδὲν ἀποκρινόμενοσ, ἐπεὶ δὲ καὶ παυσαμένησ εἱστήκει σιωπῶν πολὺν χρόνον, αὖθισ ἡ Οὐολουμνία· "ὦ παῖ; "πότερον ὀργῇ καὶ μνησικακίᾳ πάντα συγχωρεῖν καλόν, οὐ καλὸν δὲ μητρὶ χαρίσασθαι δεομένῃ περὶ τηλικούτων; "ἡ τὸ μεμνῆσθαι πεπονθότα κακῶσ ἀνδρὶ μεγάλῳ προσήκει, τὸ δ’ εὐεργεσίασ, αἷσ εὐεργετοῦνται παῖδεσ ὑπὸ τῶν τεκόντων, σέβεσθαι καὶ τιμᾶν οὐκ ἀνδρὸσ ἔργον ἐστὶ μεγάλου καὶ ἀγαθοῦ; "καὶ μὴν οὐδενὶ μᾶλλον ἔπρεπε τηρεῖν χάριν ὡσ σοί, πικρῶσ οὕτωσ ἀχαριστίαν ἐπεξιόντι. "καίτοι παρὰ τῆσ πατρίδοσ ἤδη μεγάλασ δίκασ ἀπείληφασ, τῇ μητρὶ δ’ οὐδεμίαν χάριν ἀποδέδωκασ. "ἦν μὲν οὖν ὁσιώτατον ἄνευ τινὸσ ἀνάγκησ τυχεῖν με παρὰ σοῦ δεομένην οὕτω καλῶν καὶ δικαίων μὴ πείθουσα δὲ τί φείδομαι τῆσ ἐσχάτησ ἐλπίδοσ ; καὶ ταῦτ’ εἰποῦσα προσπίπτει τοῖσ ποσὶν αὐτοῦ μετὰ τῆσ γυναικὸσ ἅμα καὶ τῶν τέκνων, ὁ δὲ Μάρκιοσ ἀναβοήσασ·

ἐξανίστησιν αὐτὴν, καὶ τὴν δεξιὰν πιέσασ σφόδρα·

"εὐτυχῆ μὲν τῇ πατρίδι νίκην, ἐμοὶ δ’ ὀλέθριον· "ἄπειμι γὰρ ὑπὸ σοῦ μόνησ ἡττώμενοσ. τοῦτο δ’ εἰπὼν, καὶ βραχέα τῇ μητρὶ καὶ τῇ γυναικὶ διαλεχθεὶσ ἰδίᾳ, τὰσ μὲν ἀπέπεμψεν εἰσ Ῥώμην πάλιν αὐτὰσ δεομένασ, τῆσ δὲ νυκτὸσ παρελθούσησ ἀπήγαγεν Οὐολούσκουσ, οὐ τὸν αὐτὸν τρόπον οὐδ’ ὁμοίωσ διακειμένουσ ἅπαντασ, οἱ μὲν γὰρ ἐμέμφοντο καὶ τὸν ἄνδρα καὶ τὴν πρᾶξιν, οἱ δὲ οὐδέτερα, πρὸσ διάλυσιν καὶ εἰρήνην οἰκείωσ ἔχοντεσ, ἔνιοι δὲ δυσχεραίνοντεσ τὰ πραττόμενα τὸν Μάρκιον ὅμωσ οὐ πονηρὸν ἐνόμιζον, ἀλλὰ συγγνωστόν ἐπικλασθέντα τηλικαύταισ ἀνάγκαισ. ἀντεῖπε δ’ οὐδείσ, ἀλλὰ πάντεσ εἵποντο, τὴν ἀρετὴν μᾶλλον αὐτοῦ θαυμάζοντεσ ἢ τὴν ἐξουσίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 36

(플루타르코스, Lives, chapter 36)

상위

목록

SEARCH

MENU NAVIGATION