헬라어 문장 검색 - Πλυταρ́Λιϝεσ́29́

(플루타르코스, Lives, chapter 29)

ἐπεὶ δὲ καὶ Βόλλασ πόλιν οὐ πλείουσ σταδίουσ ἑκατὸν ἀπέχουσαν τῆσ Ῥώμησ ἑλὼν χρημάτων πολλῶν ἐκράτησε καὶ πάντασ ὀλίγου δεῖν τοὺσ ἐν ἡλικίᾳ διέφθειρε, τῶν δὲ Οὐολούσκων οὐδ’ οἱ μένειν ἐν ταῖσ πόλεσι ταχθέντεσ ἐκαρτέρουν, ἀλλ’ ἐφέροντο σὺν τοῖσ ὅπλοισ πρὸσ τὸν Μάρκιον, ἕνα στρατηγὸν καὶ μόνον ἄρχοντα ἑαυτῶν γινώσκειν ἐκεῖνον εἶναι λέγοντεσ, ἦν ὄνομα κατὰ πᾶσαν αὐτοῦ τὴν Ἰταλίαν μέγα καὶ δόξα θαυμαστὴ, τῆσ ἀρετῆσ ἑνὸσ σώματοσ μεταθέσει τοσοῦτον ἀπεργασαμένησ τὸ παράλογον ἐν τοῖσ πράγμασι. τὰ δὲ τῶν Ῥωμαίων οὐδένα κόσμον εἶχε, μάχεσθαι μὲν ἀπεγνωκότων, ἐν δὲ συστάσεσι καὶ λόγοισ στασιαστικοῖσ ὁσημέραι πρὸσ ἀλλήλουσ ὄντων, ἄχρι οὗ Λαουΐνιον ἀπηγγέλθη περιτειχιζόμενον ὑπὸ τῶν πολεμίων, ὅπου καὶ θεῶν ἱερὰ Ῥωμαίοισ πατρῴων ἀπέκειτο, καὶ τοῦ γένουσ ἦσαν αὐτοῖσ ἀρχαὶ, διὰ τὸ πρώτην πόλιν ἐκείνην κτίσαι τὸν Αἰνείαν.

ἐκ δὲ τούτου θαυμαστὴ μὲν ἔσχε καὶ ἀθρόα μεταβολὴ γνώμησ τὸν δῆμον, ἄτοποσ δὲ κομιδῇ καὶ παράλογοσ τοὺσ πατρικίουσ, ὁ μὲν γὰρ δῆμοσ ὡρ́μησε λύειν τὴν τοῦ Μαρκίου καταδίκην καὶ καλεῖν αὐτὸν εἰσ τὴν πόλιν, ἡ δὲ βουλὴ συναχθεῖσα καὶ σκοποῦσα περὶ τοῦ βουλεύματοσ ἀπέγνω καὶ διεκώλυσεν, εἴτε πάντωσ ἐνίστασθαι φιλονεικοῦσα πᾶσιν οἷσ ὁ δῆμοσ ἐσπούδαζεν, εἴτ’ ἄλλωσ χάριτι τοῦ δήμου τὸν ἄνδρα μὴ βουλομένη κατελθεῖν, εἴτε κἀκεῖνον αὐτὸν ἤδη πεποιημένη δι’ ὀργῆσ, ὅτι πάντασ ἐποίει κακῶσ οὐχ ὑπὸ πάντων ἀγνωμονηθείσ, καὶ τῆσ πατρίδοσ αὑτὸν ἔδειξεν ἐχθρόν, ἐν ᾗ τὸ κυριώτατον καὶ κράτιστον μέροσ ἐγίνωσκε συμπαθοῦν αὐτῷ καὶ συναδικούμενον.

ἐξενεχθείσησ δὲ τῆσ γνώμησ εἰσ τοὺσ πολλούσ, ὁ μὲν δῆμοσ ἄκυροσ ἦν τοῦ ψήφῳ καὶ νόμῳ τι ποιεῖν ἄνευ προβουλεύματοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 29

(플루타르코스, Lives, chapter 29)

상위

목록

SEARCH

MENU NAVIGATION