헬라어 문장 검색 - Πλυταρ́Λιϝεσ́16́

(플루타르코스, Lives, chapter 16)

ἐν τούτῳ δὲ σῖτοσ ἧκεν εἰσ Ῥώμην, πολὺσ μέν ὠνητὸσ ἐξ Ἰταλίασ, οὐκ ἐλάττων δὲ δωρητὸσ ἐκ Συρακουσῶν, Γέλωνοσ τοῦ τυράννου πέμψαντοσ· ὥστε τοὺσ πλείστουσ ἐν ἐλπίσι γενέσθαι χρησταῖσ, ἅμα τῆσ ἀπορίασ καὶ τῆσ διαφορᾶσ τὴν πόλιν ἀπαλλαγήσεσθαι προσδοκῶντασ, εὐθὺσ οὖν βουλῆσ ἀθροισθείσησ περιχυθεὶσ ὁ δῆμοσ ἔξωθεν ἐκαραδόκει τό τέλοσ, ἐλπίζων ἀγορᾷ τε χρήσεσθαι φιλανθρώπῳ καὶ προῖκα τὰσ δωρεὰσ νεμήσεσθαι. καὶ γὰρ ἔνδον ἦσαν οἱ ταῦτα τὴν βουλὴν πείθοντεσ. ὁ μέντοι Μάρκιοσ ἀναστὰσ σφόδρα καθήψατο τῶν χαριζομένων τοῖσ πολλοῖσ, δημαγωγοὺσ καὶ προδότασ ἀποκαλῶν τῆσ ἀριστοκρατίασ καὶ σπέρματα πονηρὰ θρασύτητοσ καὶ ὕβρεωσ εἰσ ὄχλον ἀφειμένα τρέφοντασ καθ’ αὑτῶν, ἃ καλῶσ μέν εἶχε μὴ περιιδεῖν ἐν ἀρχῇ φυόμενα μηδ’ ἰσχυρὸν ἀρχῇ τηλικαύτῃ ποιῆσαι τὸν δῆμον, ἤδη δὲ καὶ φοβερὸν εἶναι τῷ πάντα βουλομένοισ αὐτοῖσ ὑπάρχειν καὶ μηδὲν ἄκοντασ βιάζεσθαι, μηδὲ πείθεσθαι τοῖσ ὑπάτοισ, ἀλλ’ ἀναρχίασ ἔχοντασ ἡγεμόνασ ἰδίουσ ἄρχοντασ προσαγορεύειν.

ἐπιδόσεισ μέν οὖν καὶ διανομάσ, ὥσπερ Ἑλλήνων οἱ κράτιστα δημοκρατούμενοι, καθέζεσθαι ψηφιζομένουσ ἔφη παντελῶσ εἰσ κοινὸν ὄλεθρον τὴν ἀπείθειαν αὑτῶν ἐφοδιάζειν.

"οὐ γὰρ χάριν γε δήπου φήσουσιν ἀπολαμβάνειν τῶν στρατειῶν ἃσ ἐγκατέλιπον, καὶ τῶν ἀποστάσεων αἷσ προήκαντο τὴν πατρίδα, καὶ τῶν διαβολῶν ἃσ ἐδέξαντο κατὰ τῆσ βουλῆσ· "ἀλλ’ ὑφιεμένουσ διὰ φόβον καὶ κολακεύοντασ ὑμᾶσ ταῦτα διδόναι καὶ συγχωρεῖν ἐλπίσαντεσ, οὐδὲν ἕξουσι πέρασ ἀπειθείασ, οὐδὲ παύσονται διαφερόμενοι καὶ στασιάζοντεσ. "ὥστε τοῦτο μέν ἐστι κομιδῇ μανικόν· "εἰ δὲ σωφρονοῦμεν, ἀφαιρησόμεθα τὴν δημαρχίαν αὑτῶν, ἀναίρεσιν οὖσαν ὑπατείασ καὶ διάστασιν τῆσ πόλεωσ, οὐκέτι μιᾶσ, ὡσ πρότερον, οὔσησ, ἀλλὰ δεδεγμένησ τομήν μηδέποτε συμφῦναι μηδ’ ὁμοφρονῆσαι μηδὲ παύσασθαι νοσοῦντασ ἡμᾶσ καὶ ταραττομένουσ ὑπ’ ἀλλήλων ἐάσουσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 16

(플루타르코스, Lives, chapter 16)

상위

목록

SEARCH

MENU NAVIGATION