헬라어 문장 검색 - Πλυταρ́Λιϝεσ́09́

(플루타르코스, Lives, chapter 9)

οὕτω δὲ τῆσ πόλεωσ ἁλούσησ καὶ τῶν πλείστων ἐν ἁρπαγαῖσ ὄντων καὶ διαφορήσεσι χρημάτων, ὁ Μάρκιοσ ἠγανάκτει καὶ ἐβόα, δεινὸν ἡγούμενοσ, τοῦ ὑπάτου καὶ τῶν σὺν ἐκείνῳ πολιτῶν τάχα που συμπεπτωκότων τοῖσ πολεμίοισ καὶ διαμαχομένων, αὐτοὺσ χρηματίζεσθαι περιιόντασ ἢ προφάσει χρηματισμοῦ τὸν κίνδυνον ἀποδιδράσκειν. ἐπεὶ δ’ οὐ πολλοὶ προσεῖχον αὐτῷ, τοὺσ βουλομένουσ ἀναλαβὼν ἐβάδιζε τὴν ὁδὸν ᾗ τὸ στράτευμα προκεχωρηκὸσ ᾔσθετο, πολλάκισ μὲν ἐποτρύνων τοὺσ σὺν αὐτῷ καὶ παρακαλῶν μὴ ἐνδιδόναι, πολλάκισ δὲ τοῖσ θεοῖσ εὐχόμενοσ μὴ ἀπολειφθῆναι τῆσ μάχησ, ἀλλ’ εἰσ καιρὸν ἐλθεῖν ἐν ᾧ συναγωνιεῖται καὶ συγκινδυνεύσει τοῖσ πολίταισ. ἦν δὲ τότε τοῖσ Ῥωμαίοισ ἔθοσ εἰσ τάξιν καθισταμένοισ καὶ μέλλουσι τοὺσ θυρεοὺσ ἀναλαμβάνειν καὶ περιζώννυσθαι τὴν τήβεννον ἅμα καὶ διαθήκασ ἀγράφουσ γίνεσθαι, τριῶν ἢ τεττάρων ἐπακουόντων ὀνομάζοντασ τὸν κληρονόμον.

ταῦτα δὴ πράττοντασ ἤδη τοὺσ στρατιώτασ Μάρκιοσ ἐν ὄψει τῶν πολεμίων ὄντων κατελάμβανε, καὶ τὸ μὲν πρῶτον ἐνίουσ διετάραξεν ὀφθεὶσ μετ’ ὀλίγων, αἵματοσ περίπλεωσ καὶ ἱδρῶτοσ ἐπεὶ δὲ προσδραμὼν τῷ ὑπάτῳ περιχαρὴσ τὴν δεξιὰν ἐνέβαλε καὶ τῆσ πόλεωσ ἀπήγγειλε τὴν ἅλωσιν, ὁ δὲ Κομίνιοσ περιεπτύξατο αὐτὸν καὶ κατησπάσατο, τοῖσ μὲν πυθομένοισ τὸ γεγενημένον κατόρθωμα, τοῖσ δ’ εἰκάσασι θάρσοσ παρέστη, καὶ βοῇ παρεκάλουν ἄγειν καὶ συνάπτειν.

ὁ δὲ Μάρκιοσ ἠρώτησε τὸν Κομίνιον πῶσ διακεκόσμηται τὰ τῶν πολεμίων ὅπλα καὶ ποῦ τέτακται τὸ μαχιμώτατον.

"καὶ αἰτοῦμαι, κατὰ τούτουσ τάξον ἡμᾶσ τοὺσ ἄνδρασ. ἔδωκεν οὖν ὁ ὕπατοσ, θαυμάσασ αὐτοῦ τὸ πρόθυμον. ὡσ δ’ ἦσαν ἐμβολαὶ δοράτων, καὶ τοῦ Μαρκίου προεκδραμόντοσ οὐκ ἀντέσχον οἱ κατὰ στόμα τῶν Οὐολούσκων, ἀλλ’ ᾧ προσέμιξε μέρει τῆσ φάλαγγοσ εὐθὺσ διεκέκοπτο, τῶν δ’ ἑκατέρωθεν ἐπιστρεφόντων καὶ περιλαμβανόντων τοῖσ ὅπλοισ τὸν ἄνδρα, δείσασ ὁ ὕπατοσ τοὺσ κρατίστουσ τῶν περὶ αὑτὸν ἐξέπεμπεν.

ἰσχυρᾶσ δὲ περὶ τὸν Μάρκιον μάχησ γενομένησ καὶ πολλῶν ἐν ὀλίγῳ νεκρῶν πεσόντων, ἐγκείμενοι καὶ καταβιαζόμενοι τοὺσ πολεμίουσ ἐώσαντο, καὶ τρεπόμενοι πρὸσ δίωξιν αὐτῶν τὸν Μάρκιον ἠξίουν ὑπό τε καμάτου βαρὺν ὄντα καὶ τραυμάτων ἀναχωρεῖν ἐπὶ τὸ στρατόπεδον.

εἰπὼν δ’ ἐκεῖνοσ ὅτι νικώντων οὐκ ἔστι τὸ κάμνειν, ἐφείπετο τοῖσ φεύγουσιν. ἡττήθη δὲ καὶ τὸ λοιπὸν στράτευμα, πολλῶν μὲν διαφθαρέντων, πολλῶν δὲ ἁλόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 9

(플루타르코스, Lives, chapter 9)

상위

목록

SEARCH

MENU NAVIGATION