헬라어 문장 검색 - Πλυταρ́Λιϝεσ́06́

(플루타르코스, Lives, chapter 6)

συνιούσησ δὲ περὶ τούτων πολλάκισ ἐν ὀλίγῳ χρόνῳ τῆσ βουλῆσ καὶ μηδὲν τέλοσ ἐκφερούσησ, συστάντεσ οἱ πένητεσ ἄφνω καὶ παρακαλέσαντεσ ἀλλήλουσ ἀπέλιπον τὴν πόλιν, καὶ καταλαβόντεσ ὄροσ ὃ νῦν ἱερὸν καλεῖται, παρὰ τὸν Ἀνίωνα ποταμὸν ἐκαθέζοντο, πράττοντεσ μὲν οὐδὲν βίαιον οὐδὲ στασιαστικόν, ἐκπεπτωκέναι δὲ τῆσ πόλεωσ ὑπὸ τῶν πλουσίων πάλαι βοῶντεσ, ἀέρα δὲ καὶ ὕδωρ καὶ τόπον ἐνταφῆναι πανταχοῦ τὴν Ἰταλίαν αὐτοῖσ παρέξειν, ὧν πλέον οὐδὲν οἰκοῦσι τὴν Ῥώμην ὑπάρχειν αὐτοῖσ, ἀλλ’ ἢ τιτρώσκεσθαι καὶ ἀποθνῄσκειν ὑπὲρ τῶν πλουσίων στρατευομένοισ. ταῦτ’ ἔδεισεν ἡ βουλή, καὶ τοὺσ ἐπιεικεῖσ μάλιστα καὶ δημοτικοὺσ τῶν πρεσβυτέρων ἐξαπέστειλε, προηγόρει δὲ Μενήνιοσ Ἀγρίππασ·

καὶ πολλὰ μὲν τοῦ δήμου δεόμενοσ, πολλὰ δ’ ὑπὲρ τῆσ βουλῆσ παρρησιαζόμενοσ τελευτῶντι τῷ λόγῳ περιῆλθεν εἰσ σχῆμα μύθου διαμνημονευόμενον. ἔφη γὰρ τοῦ ἀνθρώπου τὰ μέλη πάντα πρὸσ τὴν γαστέρα στασιάσαι, καὶ κατηγορεῖν αὑτῆσ ὡσ μόνησ ἀργοῦ καὶ ἀσυμβόλου καθεζομένησ ἐν τῷ σώματι, τῶν δ’ ἄλλων εἰσ τὰσ ἐκείνησ ὀρέξεισ πόνουσ τε μεγάλουσ καὶ λειτουργίασ ὑπομενόντων τὴν δὲ γαστέρα τῆσ εὐηθείασ αὐτῶν καταγελᾶν, ἀγνοούντων ὅτι τὴν τροφὴν ὑπολαμβάνει μὲν εἰσ ἑαυτὴν ἅπασαν, ἀναπέμπει δ’ αὖθισ ἐξ αὑτῆσ καὶ διανέμει τοῖσ ἄλλοισ.

"καὶ τῆσ συγκλήτου λόγοσ ἐστὶν, ὦ πολῖται, πρὸσ ὑμᾶσ·

"τὰ γὰρ ἐκεῖ τυγχάνοντα τῆσ προσηκούσησ ἐπιμελείασ καὶ οἰκονομίασ βουλεύματα καὶ πράγματα πᾶσιν ὑμῖν ἐπιφέρει καὶ διανέμει τὸ χρήσιμον καὶ ὠφέλιμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 6

(플루타르코스, Lives, chapter 6)

상위

목록

SEARCH

MENU NAVIGATION