헬라어 문장 검색 - Πλυταρ́Γαλβά07́

(플루타르코스, Galba, chapter 7)

ἦν δὲ θέροσ ἤδη, καὶ βραχὺ πρὸ δείλησ ἧκεν ἀπὸ Ῥώμησ Ἴκελοσ ἀνὴρ ἀπελεύθεροσ ἑβδομαῖοσ. πυθόμενοσ δὲ τὸν Γάλβαν ἀναπαύεσθαι καθ’ ἑαυτὸν ἐβάδιζε συντόνωσ ἐπὶ τὸ δωμάτιον αὐτοῦ, καὶ βίᾳ τῶν θαλαμηπόλων ἀνοίξασ καὶ παρελθὼν ἀπήγγειλεν ὅτι καὶ ζῶντοσ ἔτι τοῦ Νέρωνοσ, οὐκ ὄντοσ δὲ φανεροῦ, τὸ στράτευμα πρῶτον, εἶτα ὁ δῆμοσ καὶ ἡ σύγκλητοσ αὐτοκράτορα τὸν Γάλβαν ἀναγορεύσειεν, ὀλίγον δὲ ὕστερον ἀπαγγελθείη τεθνηκὼσ ἐκεῖνοσ· οὐ μὴν αὐτόσ γε πιστεύσασ ἔφη τοῖσ ἀπαγγέλλουσιν, ἀλλὰ ἐπελθὼν τῷ νεκρῷ καὶ κείμενον θεασάμενοσ, οὕτωσ ἐξελθεῖν.

ταῦτα ἀπαγγελλόμενα λαμπρὸν ἦρε τὸν Γάλβαν, καὶ συνέδραμε πλῆθοσ ἀνδρῶν ἐπὶ θύρασ ἐκτεθαρρηκότων ὑπ’ αὐτοῦ βεβαίωσ, καίτοι τὸ τάχοσ ἦν ἄπιστον.

ἀλλὰ καὶ δυσὶν ἡμέραισ ὕστερον Οὐίνιοσ Τίτοσ ἀπὸ στρατοπέδου μεθ’ ἑτέρων ἀφίκετο τὰ δόξαντα τῇ συγκλήτῳ καθ’ ἕκαστον ἀπαγγέλλων. οὗτοσ μὲν οὖν εἰσ τάξιν ἔντιμον προήχθη· τῷ δ’ ἀπελευθέρῳ δακτυλίουσ τε χρυσοῦσ ἔδωκε καὶ Μαρκιανὸσ ὁ Ἴκελοσ ἤδη καλούμενοσ εἶχε τὴν πρώτην ἐν τοῖσ ἀπελευθέροισ δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Galba, chapter 7

(플루타르코스, Galba, chapter 7)

상위

목록

SEARCH

MENU NAVIGATION