헬라어 문장 검색 - Πλυταρ́Ευμενεσ́14́

(플루타르코스, chapter 14)

οὐ μὴν ἀλλ’ οἱ Μακεδόνεσ ἀδείασ μὲν οὔσησ ἐφθείροντο πρὸσ τοὺσ διδόντασ, καὶ τάσ ἐκείνων θύρασ ἐθεράπευον, δορυφορουμένων καὶ στρατηγιώντων· ἐπεὶ δὲ Ἀντίγονοσ αὑτοῖσ παρεστρατοπέδευσε μετὰ πολλῆσ δυνάμεωσ καὶ τὰ πράγματα φωνὴν ἀφιέντα τὸν ἀληθινὸν ἐκάλει στρατηγόν, οὐ μόνον οἱ στρατευόμενοι τῷ Εὐμενεῖ προσεῖχον, ἀλλὰ καὶ τῶν ἐν εἰρήνῃ καὶ τρυφῇ μεγάλων ἐκείνων ἕκαστοσ ἐνέδωκε καὶ παρεῖχεν ἑαυτὸν σιωπῇ τὴν δοθεῖσαν φυλάττοντα τάξιν. καὶ γάρ τοι περὶ τὸν Πασιτίγριν ποταμὸν ἐπιχειρήσαντα διαβαίνειν τὸν Ἀντίγονον οἱ μὲν ἄλλοι παραφυλάττοντεσ οὐδὲ ᾔσθοντο, μόνοσ δὲ Εὐμενὴσ ὑπέστη, καὶ συνάψασ μάχην πολλοὺσ μὲν κατέβαλε καὶ νεκρῶν ἐνέπλησε τὸ ῥεῖθρον, ἔλαβε δὲ τετρακισχιλίουσ αἰχμαλώτουσ, μάλιστα δὲ οἱ Μακεδόνεσ περὶ τὴν συμβᾶσαν ἀρρωστίαν αὐτῷ καταφανεῖσ ἐγένοντο τοὺσ μὲν ἄλλουσ ἑστιᾶν λαμπρῶσ καὶ πανηγυρίζειν, ἄρχειν δὲ καὶ πολεμεῖν δυνατὸν ἡγούμενοι μόνον ἐκεῖνον.

ὁ μὲν γὰρ Πευκέστασ ἐν τῇ Περσίδι λαμπρῶσ αὐτοὺσ ἑστιάσασ καὶ κατ’ ἄνδρα διαδοὺσ ἱερεῖον εἰσ θυσίαν ἤλπιζεν εἶναι μέγιστοσ·

ὀλίγαισ δὲ ὕστερον ἡμέραισ τῶν στρατιωτῶν ἐπὶ τοὺσ πολεμίουσ βαδιζόντων, ἐτύγχανεν ὁ Εὐμενὴσ ἐκ νόσου τινὸσ ἐπισφαλοῦσ ἐν φορείῳ κομιζόμενοσ ἔξω τοῦ στρατεύματοσ ἐν ἡσυχίᾳ διὰ τάσ ἀγρυπνίασ. ὡσ οὖν αἵ τε τῶν χρυσῶν ὅπλων αὐγαὶ πρὸσ τὸν ἥλιον ἐξέλαμψαν ἀπὸ τῶν ἄκρων τοῦ ἀγήματοσ ἐν τάξει πορευομένων, καὶ τῶν θηρίων τοὺσ πύργουσ ἄνω καὶ τάσ πορφύρασ εἶδον, ὅσπερ ἦν αὐτοῖσ κόσμοσ εἰσ μάχην ἀγομένοισ, ἐπιστήσαντεσ οἱ πρῶτοι τὴν πορείαν ἐβόων Εὐμενῆ καλεῖν αὑτοῖσ, οὐ γὰρ ἂν προελθεῖν ἐκείνου μὴ στρατηγοῦντοσ, καὶ τὰ ὅπλα πρὸσ τὴν γῆν ἐρείσαντεσ ἀλλήλοισ μένειν διεκελεύοντο, καὶ τοῖσ ἡγεμόσιν ἡσυχίαν ἔχειν, καὶ χωρὶσ Εὐμενοῦσ μὴ μάχεσθαι μηδὲ κινδυνεύειν πρὸσ τοὺσ πολεμίουσ.

ἀκούσασ δὲ ὁ Εὐμενὴσ ἧκε πρὸσ αὐτοὺσ δρόμῳ τοὺσ κομίζοντασ ἐπιταχύνασ, καὶ τοῦ φορείου τάσ ἑκατέρωθεν αὐλαίασ ἀνακαλύψασ προὔτεινε τὴν δεξιὰν γεγηθώσ.

οἱ δὲ ὡσ εἶδον, εὐθὺσ ἀσπασάμενοι Μακεδονιστὶ τῇ φωνῇ τάσ τε ἀσπίδασ ἀνείλοντο καὶ ταῖσ σαρίσαισ ἐπιδουπήσαντεσ ἠλάλαξαν, προκαλούμενοι τοὺσ πολεμίουσ ὠσ τοῦ ἡγεμόνοσ αὐτοῖσ παρόντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 14

(플루타르코스, chapter 14)

상위

목록

SEARCH

MENU NAVIGATION