헬라어 문장 검색 - Πλυταρ́Ευμενεσ́13́

(플루타르코스, chapter 13)

φεύγοντι δὲ Εὐμενεῖ γράμματα κομίζεται παρὰ τῶν ἐν Μακεδονίᾳ τὴν Ἀντιγόνου δεδοικότων αὔξησιν, Ὀλυμπιάδοσ μὲν παρακαλούσησ ἐλθόντα τὸ Ἀλεξάνδρου παιδίον παραλαβεῖν καὶ τρέφειν ὡσ ἐπιβουλευόμενον, Πολυσπέρχοντοσ δὲ καὶ Φιλίππου τοῦ βασιλέωσ κελευόντων Ἀντιγόνῳ πολεμεῖν τῆσ ἐν Καππαδοκίᾳ δυνάμεωσ ἄρχοντα, καὶ τῶν ἐν Κουΐνδοισ χρημάτων πεντακόσια μὲν τάλαντα λαβεῖν εἰσ τὴν τῶν ἰδίων ἐπανόρθωσιν, εἰσ δὲ τὸν πόλεμον ὁπόσοισ βούλεται χρῆσθαι. περὶ δὲ τούτων καὶ Ἀντιγένει καὶ Τευτάμῳ τοῖσ τῶν ἀργυρασπίδων ἡγουμένοισ ἐγεγράφεισαν.

ἐπεὶ δὲ λαβόντεσ ἐκεῖνοι τὰ γράμματα τῷ μὲν λόγῳ φιλανθρώπωσ ἐδέξαντο τὸν Εὐμενῆ, φθόνου δὲ καὶ φιλονεικίασ ἐφαίνοντο μεστοί, δευτερεύειν ἀπαξιοῦντεσ ἐκείνῳ, τὸν μὲν φθόνον ὁ Εὐμενὴσ ἐθεράπευε τῷ τὰ χρήματα μὴ λαβεῖν ὡσ οὐδὲν δεόμενοσ, ταῖσ δὲ φιλονεικίαισ καὶ φιλαρχίαισ αὐτῶν μήτε ἡγεῖσθαι δυναμένων μήτε ἕπεσθαι βουλομένων ἐπῆγε δεισιδαιμονίαν. ἔφη γὰρ Ἀλέξανδρον αὐτῷ κατὰ τοὺσ ὕπνουσ φανῆναι, καὶ δεῖξαί τινα σκηνὴν κατεσκευασμένην βασιλικῶσ καὶ θρόνον ἐν αὐτῇ κείμενον·

εἶτα εἰπεῖν ὡσ ἐνταῦθα συνεδρεύουσιν αὐτοῖσ καὶ χρηματίζουσιν αὐτὸσ παρέσται καὶ συνεφάψεται βουλῆσ τε πάσησ καὶ πράξεωσ ἀρχομένοισ ἀπ’ αὐτοῦ, ταῦτα ῥᾳδίωσ ἔπεισε τὸν Ἀντιγένη καὶ τὸν Τεύταμον, οὔτε ἐκείνων βαδίζειν βουλομένων πρὸσ αὐτόν, οὔτε αὐτὸσ ἀξιῶν ἐπὶ θύραισ ἑτέρων ὁρᾶσθαι. καὶ τιθέντεσ οὕτω σκηνὴν βασιλικὴν καὶ θρόνον Ἀλεξάνδρῳ καταπεφημισμένον ἐκεῖ συνεπορεύοντο βουλευόμενοι περὶ τῶν μεγίστων.

τυραννικὰ καὶ τεθραμμένα βαρβαρικαῖσ ἀλαζονείαισ ἐπὶ ταὐτὸ συνενεγκάμενοι, πρὸσ μὲν ἀλλήλουσ βαρεῖσ ἦσαν καὶ δυσάρμοστοι, τοὺσ δὲ Μακεδόνασ κολακεύοντεσ ἐκκεχυμένωσ καὶ καταχορηγοῦντεσ εἰσ δεῖπνα καὶ θυσίασ ὀλίγου χρόνου τὸ στρατόπεδον ἀσωτίασ πανηγυριζούσησ καταγώγιον ἐποίησαν καὶ δημαγωγούμενον ἐπὶ αἱρέσει στρατηγῶν ὄχλον, ὥσπερ ἐν ταῖσ δημοκρατίαισ.

αἰσθόμενοσ δὲ ὁ Εὐμενὴσ αὐτοὺσ ἀλλήλων μὲν καταφρονοῦντασ, αὐτὸν δὲ φοβουμένουσ καὶ παραφυλάττοντασ ἀνελεῖν, εἰ γένοιτο καιρόσ, ἐσκήψατο χρημάτων δεῖσθαι καὶ συνεδανείσατο τάλαντα πολλὰ παρὰ τῶν μάλιστα μισούντων αὐτόν, ἵνα καὶ πιστεύωσι καὶ ἀπέχωνται περὶ τῶν δανείων ἀγωνιῶντεσ·

ὥστε συνέβη τὸν ἀλλότριον πλοῦτον αὐτῷ φύλακα τοῦ σώματοσ ἔχειν, καὶ τῶν ἄλλων ἐπὶ σωτηρίᾳ διδόντων, μόνον ἐκ τοῦ λαβεῖν κτήσασθαι τὴν ἀσφάλειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 13

(플루타르코스, chapter 13)

상위

목록

SEARCH

MENU NAVIGATION