Plutarch, chapter 6

(플루타르코스, chapter 6)

οἱ μὲν οὖν περὶ τὸν Ἀντίπατρον πυθόμενοι ταῦτα κατὰ σχολὴν ἐβουλεύοντο περὶ τῶν ὅλων, ὁ Νεοπτόλεμοσ δὲ μετὰ τήν φυγὴν ἀφικόμενοσ πρὸσ αὐτούσ τήν τε μάχην ἀπήγγελλε καὶ παρεκάλει βοηθεῖν, μάλιστα μὲν ἀμφοτέρουσ, πάντωσ δὲ Κρατερόν· καὶ γὰρ ἦν ὄντωσ ὄνομα τοῦ Κρατεροῦ μέγα, καὶ μετὰ τήν Ἀλεξάνδρου τελευτὴν τοῦτον ἐπόθησαν οἱ πολλοί, μνημονεύοντεσ ὅτι καὶ πρὸσ Ἀλέξανδρον ὑπὲρ αὐτῶν ἀνεδέξατο πολλάκισ ἀπεχθείασ πολλάσ, ὑποφερομένου πρὸσ τὸν Περσικὸν ζῆλον ἀντιλαμβανόμενοσ, καὶ τοῖσ πατρίοισ ἀμύνων διὰ τρυφὴν καὶ ὄγκον ἤδη περιυβριζομένοισ.

τότε δὲ οὖν ὁ Κρατερὸσ τὸν μὲν Ἀντίπατρον εἰσ Κιλικίαν ἀπέστειλεν, αὐτὸσ δὲ τῆσ δυνάμεωσ ἀναλαβὼν πολύ μέροσ ἐπὶ τὸν Εὐμενῆ μετὰ τοῦ Νεοπτολέμου προῆγεν, οἰόμενοσ οὐ προσδεχομένῳ καὶ μετὰ πρόσφατον νίκην ἐν ἀταξίᾳ καὶ περὶ πότουσ ἔχοντι τήν δύναμιν ἐπιπεσεῖσθαι.

τὸ μὲν οὖν προαισθέσθαι τήν ἔφοδον ἀὺτοῦ τὸν Εὐμενῆ καὶ προπαρασκευάσασθαι νηφούσησ ἄν τισ ἡγεμονίασ, οὐ μὴν ἄκρασ θείη δεινότητοσ· τὸ δὲ μὴ μόνον τοὺσ πολεμίουσ ἃ μὴ καλῶσ εἶχεν αἰσθέσθαι διαφυγεῖν, ἀλλὰ καὶ τοὺσ μετ’ ἀὐτοῦ στρατευομένουσ ἀγνοοῦντασ ᾧ μαχοῦνται προενσεῖσαι τῷ Κρατερῷ καὶ ἀποκρύψαι τὸν ἀντιστράτηγον, ἴδιον δοκεῖ τούτου τοῦ ἡγεμόνοσ ἔργον γενέσθαι, διέδωκε μὲν οὖν λόγον ὡσ Νεοπτόλεμοσ αὖθισ ἐπίοι καὶ Πίγρησ, ἔχοντεσ ἱππεῖσ καὶ Καππαδοκῶν καὶ Παφλαγόνων.

νυκτὸσ δὲ ἀναζεῦξαι βουλόμενοσ, εἶτα καταδαρθών ὄψιν εἶδεν ἀλλόκοτον. ἐδόκει γὰρ ὁρᾶν Ἀλεξάνδρουσ δύο παρασκευαζομένουσ ἀλλήλοισ μάχεσθαι, μιᾶσ ἑκάτερον ἡγούμενον φάλαγγοσ·

εἶτα τῷ μὲν τήν Ἀθηνᾶν, τῷ δὲ τήν Δήμητραν βοηθοῦσαν ἐλθεῖν, γενομένου δὲ ἀγῶνοσ ἰσχυροῦ κρατηθῆναι τὸν μετὰ τῆσ Ἀθηνᾶσ, τῷ δὲ νικῶντι σταχύων δρεπομένην τήν Δήμητραν συμπλέκειν στέφανον. αὐτόθεν μὲν οὖν τὴν ὄψιν εἴκαζεν εἶναι πρὸσ αὑτοῦ, μαχομένου περὶ γῆσ ἀρίστησ καὶ τότε πολὺν καὶ καλὸν ἐχούσησ ἐν κάλυκι στάχυν ἅπασα γὰο κατέσπαρτο καὶ παρεῖχεν εἰρήνῃ πρέπουσαν ὄψιν, ἀμφιλαφῶσ τῶν πεδίων κομώντων μᾶλλον δὲ ἐπερρώσθη πυθόμενοσ σύνθημα τοῖσ πολεμίοισ Ἀθηνᾶν καὶ Ἀλέξανδρον εἶναι, Δήμητραν δὴ καὶ αὐτὸσ ἐδίδου σύνθημα καὶ Ἀλέξανδρον, ἀναδεῖσθαί τε πάντασ ἐκέλευε καὶ καταστέφειν τὰ ὅπλα τῶν σταχύων λαμβάνοντασ.

ὁρμήσασ δὲ πολλάκισ ἐξαγορεῦσαι καὶ φράσαι τοῖσ περὶ αὑτὸν ἡγεμόσι καὶ στρατηγοῖσ πρὸσ ὃν ἔμελλεν ὁ ἀγὼν ἔσεσθαι, καὶ μὴ μόνοσ ἐν αὑτῷ θέμενοσ ἀποκρύψαι καὶ κατασχεῖν ἀπόρρητον οὕτωσ ἀναγκαῖον, ὅμωσ ἐνέμεινε τοῖσ λογισμοῖσ καὶ διεπίστευσε τῇ γνώμῃ τὸν κίνδυνον.

일치하는 문장이 없습니다.

SEARCH

MENU NAVIGATION