헬라어 문장 검색 - Πλυταρ́Ευμενεσ́01́

(플루타르코스, chapter 1)

εὐμενῆ δὲ τὸν Καρδιανὸν ἱστορεῖ Δοῦρισ πατρὸσ μὲν ἁμαξεύοντοσ ἐν Χερρονήσῳ διὰ πενίαν γενέσθαι, τραφῆναι δὲ ἐλευθερίωσ ἐν γράμμασι καὶ περὶ παλαίστραν· ἔτι δὲ παιδὸσ ὄντοσ αὐτοῦ Φίλιππον παρεπιδημοῦντα καὶ σχολὴν ἄγοντα τὰ τῶν Καρδιανῶν θεάσασθαι παγκράτια μειρακίων καὶ παλαίσματα παίδων, ἐν οἷσ εὐημερήσαντα τὸν Εὐμενῆ καὶ φανέντα συνετὸν καὶ ἀνδρεῖον ἀρέσαι τῷ Φιλίππῳ καὶ ἀναληφθῆναι. , δοκοῦσι δὲ εἰκότα λέγειν μᾶλλον οἱ διὰ ξενίαν καὶ φιλίαν πατρῴαν τὸν Εὐμενῆ λέγοντεσ ὑπὸ τοῦ Φιλίππου προαχθῆναι. μετὰ δὲ τὴν ἐκείνου τελευτὴν οὔτε συνέσει τινὸσ οὔτε πίστει λείπεσθαι δοκῶν τῶν περὶ Ἀλέξανδρον ἐκαλεῖτο μὲν ἀρχιγραμματεύσ, τιμῆσ δὲ ὥσπερ οἱ μάλιστα φίλοι καὶ συνήθεισ ἐτύγχανεν, ὥστε καὶ στρατηγὸσ ἀποσταλῆναι κατὰ τὴν Ἰνδικὴν ἐφ’ ἑαυτοῦ μετὰ δυνάμεωσ, καὶ τὴν Περδίκκου παραλαβεῖν ἱππαρχίαν, ὅτε Περδίκκασ, ἀποθανόντοσ Ἡφαιστίωνοσ, εἰσ τὴν ἐκείνου προῆλθε τάξιν.

διὸ καὶ Νεοπτολέμου τοῦ ἀρχιυπασπιστοῦ μετὰ τὴν Ἀλεξάνδρου τελευτὴν λέγοντοσ ὡσ αὐτὸσ μὲν ἀσπίδα καὶ λόγχην, Εὐμενὴσ δὲ γραφεῖον ἔχων καὶ πινακίδιον ἠκολούθει, κατεγέλων οἱ Μακεδόνεσ, μετὰ τῶν ἄλλων καλῶν τὸν Εὐμενῆ καὶ τῆσ κατὰ τὸν γάμον οἰκειότητοσ ὑπὸ τοῦ βασιλέωσ εἰδότεσ ἀξιωθέντα.

Βαρσίνην γὰρ τὴν Ἀρταβάζου πρώτην ἐν Ἀσίᾳ γνοὺσ ὁ Ἀλέξανδροσ, ἐξ ἧσ υἱὸν ἔσχεν Ἡρακλέα, τῶν ταύτησ ἀδελφῶν Πτολεμαίῳ μὲν Ἀπάμαν, Εὐμενεῖ δὲ Βαρσίνην ἐξέδωκεν, ὅτε καὶ τὰσ ἄλλασ Περσίδασ διένειμε καὶ συνῴκισε τοῖσ ἑταίροισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 1

(플루타르코스, chapter 1)

상위

목록

SEARCH

MENU NAVIGATION