Plutarch, chapter 11

(플루타르코스, chapter 11)

τοὐντεῦθεν ὁ μὲν περιτειχίσασ τὰ Νῶρα καὶ φρουρὰν καταλιπών ἀνέζευξεν Εὐμενὴσ δὲ πολιορκούμενοσ ἐγκρατῶσ, τοῦ χωρίου σῖτον καὶ ὕδωρ ἄφθονον καὶ ἅλασ καὶ ἄλλο μηδὲν ἔχοντοσ ἐδώδιμον μηδὲ ἥδυσμα πρὸσ τὸν σῖτον, ἐκ τῶν παρόντων ὅμωσ κατεσκεύαζε τοῖσ συνοῦσιν ἱλαρὰν τὴν δίαιταν, ἐν μέρει τε παραλαμβάνων πάντασ ἐπὶ τὴν αὑτοῦ τράπεζαν, καὶ τὸ συσσίτιον ὁμιλίᾳ χάριν ἐχούσῃ καὶ φιλοφροσύνην ἐφηδύνων. ἦν δὲ καὶ τὸ εἶδοσ ἡδύσ, οὐ πολεμικῷ καὶ τετριμμένῳ δι’ ὅπλων ἐοικώσ, ἀλλὰ γλαφυρὸσ καὶ νεοπρεπὴσ, καὶ πᾶν τὸ σῶμα διηρθρωμένοσ ὡσ ὑπὸ τέχνησ ἀκριβῶσ τοῖσ μέλεσι θαυμαστὴν συμμετρίαν σιν, εἰπεῖν δὲ οὐ δεινόσ, αἱμύλοσ δὲ καὶ πιθανόσ, ὡσ ἐκ τῶν ἐπιστολῶν συμβάλλειν ἐστίν.

τοῖσ μὲν ἀνθρώποισ οἶκον, ὃσ ἦν μέγιστοσ ἐν τῷ χωρίῳ, δεκατεσσάρων πηχῶν τὸ μῆκοσ, ἀπέδειξε περίπατον, κατὰ μικρὸν ἐπιτείνειν τὴν κίνησιν κελεύων, τῶν δὲ ἵππων ἕκαστον ῥυτῆρσι μεγάλοισ εἰσ τὴν ὀροφὴν ἀναδεδεμένοισ ὑποζώσασ ἐκ τῶν περὶ τὸν αὐχένα μερῶν ἐμετεώριζε καὶ παρήγειρε διὰ τροχιλίασ, ὥστε τοῖσ μὲν ὀπισθίοισ σκέλεσιν ἐπὶ τῆσ γῆσ ἐρείδεσθαι, τοῖσ δὲ ἐμπροσθίοισ ποσὶν ἀκρωνύχουσ ἐπιψαύειν.

οὕτω δὲ ἀνηρτημένουσ οἱ ἱπποκόμοι παρεστῶτεσ ἅμα ταῖσ τε κραυγαῖσ καὶ ταῖσ μάστιξιν ἐπηρέθιζον οἱ δὲ πιμπλάμενοι θυμοῦ καὶ ὀργῆσ τοῖσ μὲν ὀπισθίοισ ἐνήλλοντο καὶ διεσκίρτων σκέλεσι, τοῖσ δὲ μετεώροισ ἐφιέμενοι στηρίξασθαι καὶ κροτοῦντεσ τὸ ἔδαφοσ κατετείνοντο πᾶν τὸ σῶμα καὶ πολὺν ἠφίεσαν ἱδρῶτα καὶ σταλαγμόν, οὔτε πρὸσ τάχοσ οὔτε πρὸσ ῥώμην γυμναζόμενοι κακῶσ, τὰσ δὲ κριθὰσ ἐνέβαλλον αὐτοῖσ ἐπτισμένασ, ἵνα κατεργάζωνται θᾶττον καὶ πέττωσι βέλτιον.

일치하는 문장이 없습니다.

SEARCH

MENU NAVIGATION