헬라어 문장 검색 - Πλυταρ́Δεμοστή22́

(플루타르코스, Demosthenes, chapter 22)

ἔγνω μὲν οὖν κρύφα τὴν τοῦ Φιλίππου τελευτὴν ὁ Δημοσθένησ, προκαταλαμβάνων δὲ τὸ θαρρεῖν ἐπὶ τὰ μέλλοντα τοὺσ Ἀθηναίουσ, προῆλθε φαιδρὸσ εἰσ τὴν βουλήν ὡσ ὄναρ ἑωρακὼσ ἀφ’ οὗ τι μέγα προσδοκᾶν Ἀθηναίοισ ἀγαθόν καὶ μετ’ οὐ πολὺ παρῆσαν οἱ τὸν Φιλίππου θάνατον ἀπαγγέλλοντεσ. εὐθὺσ οὖν ἔθυον εὐαγγέλια καὶ στεφανοῦν ἐψηφίσαντο Παυσανίαν. καὶ προῆλθεν ὁ Δημοσθένησ ἔχων λαμπρὸν ἱμάτιον ἐστεφανωμένοσ, ἑβδόμην ἡμέραν τῆσ θυγατρὸσ αὐτοῦ τεθνηκυίασ, ὡσ ὁ Αἰσχίνησ φησί λοιδορῶν ἐπὶ τούτῳ καὶ κατηγορῶν αὐτοῦ μισοτεκνίαν, αὐτὸσ ὢν ἀγεννὴσ καὶ μαλακόσ, εἰ τὰ πένθη καὶ τοὺσ ὀδυρμοὺσ ἡμέρου καὶ φιλοστόργου ψυχῆσ ἐποιεῖτο σημεῖα, τὸ δὲ ἀλύπωσ φέρειν ταῦτα καὶ πρᾴωσ ἀπεδοκίμαζεν.

ἐγὼ δ’, ὡσ μὲν ἐπὶ θανάτῳ βασιλέωσ ἡμέρωσ οὕτω καὶ φιλανθρώπωσ ἐν οἷσ ηὐτύχησε χρησαμένου πταίσασιν αὐτοῖσ στεφανηφορεῖν καλῶσ εἶχε καὶ θύειν, οὐκ ἄν εἴποιμι·

πρὸσ γὰρ τῷ νεμεσητῷ καὶ ἀγεννέσ, ζῶντα μὲν τιμᾶν καὶ ποιεῖσθαι πολίτην, πεσόντοσ δ’ ὑφ’ ἑτέρου μὴ φέρειν τὴν χαρὰν μετρίωσ, ἀλλ’ ἐπισκιρτᾶν τῷ νεκρῷ καὶ παιωνίζειν, ὥσπερ αὐτοὺσ ἀνδραγαθήσαντασ· ὅτι μέντοι τὰσ οἴκοι τύχασ καὶ δάκρυα καὶ ὀδυρμοὺσ ἀπολιπὼν ταῖσ γυναιξὶν ὁ Δημοσθένησ, ἃ τῇ πόλει συμφέρειν ᾤετο, ταῦτ’ ἔπραττεν, ἐπαινῶ, καὶ τίθεμαι πολιτικῆσ καὶ ἀνδρώδουσ ψυχῆσ ἀεὶ πρὸσ τὸ κοινὸν ἱστάμενον καὶ τὰ οἰκεῖα πάθη καὶ πράγματα τοῖσ δημοσίοισ ἐπανέχοντα τηρεῖν τὸ ἀξίωμα πολὺ μᾶλλον ἢ τοὺσ ὑποκριτὰσ τῶν βασιλικῶν καὶ τυραννικῶν προσώπων, οὓσ ὁρῶμεν οὔτε κλαίοντασ οὔτε γελῶντασ ἐν τοῖσ θεάτροισ ὡσ αὐτοὶ θέλουσιν, ἀλλ’ ὡσ ὁ ἀγὼν ἀπαιτεῖ πρὸσ τὴν ὑπόθεσιν.

χωρὶσ δὲ τούτων, εἰ δεῖ τὸν ἀτυχήσαντα μὴ περιορᾶν ἀπαρηγόρητον ἐν τῷ πάθει κείμενον, ἀλλὰ καὶ λόγοισ χρῆσθαι κουφίζουσι καὶ πρὸσ ἡδίω πράγματα τρέπειν τὴν διάνοιαν, ὥσπερ οἱ τοὺσ ὀφθαλμιῶντασ ἀπὸ τῶν λαμπρῶν καὶ ἀντιτύπων ἐπὶ τὰ χλωρὰ καὶ μαλακὰ χρώματα τὴν ὄψιν ἀπάγειν κελεύοντεσ, πόθεν ἄν τισ ἐπαγάγοιτο βελτίω παρηγορίαν ἢ πατρίδοσ εὐτυχούσησ ἐκ τῶν κοινῶν παθῶν ἐπὶ τὰ οἰκεῖα σύγκρασιν ποριζόμενοσ τοῖσ βελτίοσιν ἀφανίζουσαν τὰ χείρω;

ταῦτα μὲν οὖν εἰπεῖν προήχθημεν ὁρῶντεσ ἐπικλῶντα πολλοὺσ καὶ ἀποθηλύνοντα τὸν Αἰσχίνην τῷ λόγῳ τούτῳ πρὸσ οἶκτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demosthenes, chapter 22

(플루타르코스, Demosthenes, chapter 22)

상위

목록

SEARCH

MENU NAVIGATION