헬라어 문장 검색 - Πλυταρ́Δεμοστή18́

(플루타르코스, Demosthenes, chapter 18)

οὐ μὴν ἀλλ’ ἐπεὶ Φίλιπποσ ὑπὸ τῆσ περὶ τὴν Ἄμφισσαν εὐτυχίασ ἐπαιρόμενοσ εἰσ τὴν Ἐλάτειαν ἐξαίφνησ ἐνέπεσε καὶ τὴν Φωκίδα κατέσχεν, ἐκπεπληγμένων τῶν Ἀθηναίων καὶ μηδενὸσ τολμῶντοσ ἀναβαίνειν ἐπὶ τὸ βῆμα μηδὲ ἔχοντοσ ὅ τι χρὴ λέγειν, ἀλλ’ ἀπορίασ οὔσησ ἐν μέσῳ καὶ σιωπῆσ, παρελθὼν μόνοσ ὁ Δημοσθένησ συνεβούλευε τῶν Θηβαίων ἔχεσθαι· καὶ τἆλλα παραθαρρύνασ καὶ μετεωρίσασ, ὥσπερ εἰώθει, τὸν δῆμον ταῖσ ἐλπίσιν, ἀπεστάλη πρεσβευτὴσ μεθ’ ἑτέρων εἰσ Θήβασ, ἔπεμψε δὲ καὶ Φίλιπποσ, ὡσ Μαρσύασ φησίν, Ἀμύνταν μὲν καὶ Κλέαρχον Μακεδόνασ, Δάοχον δὲ Θεσσαλὸν καὶ Θρασυδαῖον ἀντεροῦντασ. ὑπηρετεῖν δὲ μὴ μόνον τοὺσ στρατηγοὺσ τῷ Δημοσθένει ποιοῦντασ τὸ προσταττόμενον, ἀλλὰ καὶ τοὺσ βοιωτάρχασ, διοικεῖσθαι δὲ τὰσ ἐκκλησίασ ἁπάσασ οὐδὲν ἧττον ὑπ’ ἐκείνου τότε τὰσ Θηβαίων ἢ τὰσ Ἀθηναίων, ἀγαπωμένου παρ’ ἀμφοτέροισ καὶ δυναστεύοντοσ οὐκ ἀδίκωσ οὐδὲ παρ’ ἀξίαν, ὥσπερ ἀποφαίνεται Θεόπομποσ, ἀλλὰ καὶ πάνυ προσηκόντωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demosthenes, chapter 18

(플루타르코스, Demosthenes, chapter 18)

상위

목록

SEARCH

MENU NAVIGATION