헬라어 문장 검색 - Πλυταρ́Δεμοστή30́

(플루타르코스, Demosthenes, chapter 30)

τὸ δέ φάρμακον Ἀρίστων μὲν ἐκ τοῦ καλάμου λαβεῖν φησιν αὐτόν, ὡσ εἴρηται· καὶ μηδὲν ἄλλο· θαυμαζομένησ δὲ τῆσ περὶ τὸν θάνατον ὀξύτητοσ διηγῖσθαι τοὺσ παρὰ ταῖσ θύραισ Θρᾷκασ ὡσ ἔκ τινοσ ῥακίου λαβὼν εἰσ τὴν χεῖρα προσθοῖτο τῷ στόματι καὶ καταπίοι τὸ φάρμακον αὐτοὶ δ’ ἄρα χρυσὸν ᾠήθησαν εἶναι τὸ καταπινόμενον ἡ δ’ ὑπηρετοῦσα παιδίσκη, πυνθανομένων τῶν περὶ τὸν Ἀρχίαν, φαίη πολὺν εἶναι χρόνον ἐξ οὗ φοροίη τὸν ἀπόδεσμον ἐκεῖνον ὁ Δημοσθένησ ὡσ φυλακτήριον.

Ἐρατοσθένησ δὲ καὶ αὐτὸσ ἐν κρίκῳ φησὶ κοίλῳ τὸ φάρμακον φυλάσσειν·

τὸν δέ κρίκον εἶναι τοῦτον αὐτῷ φόρημα περιβραχιόνιον. τῶν δ’ ἄλλων, ὅσοι γεγράφασι περὶ αὐτοῦ, πάμπολλοι δέ εἰσί, τὰσ διαφορὰσ οὐκ ἀναγκαῖον ἐπεξελθεῖν· πλὴν ὅτι Δημοχάρησ ὁ τοῦ Δημοσθένουσ οἰκεῖοσ οἰέσθαί φησιν αὐτὸν οὐχ ὑπὸ φαρμάκου, θεῶν δὲ τιμῇ καὶ προνοίᾳ τῆσ Μακεδόνων ὠμότητοσ ἐξαρπαγῆναι, συντόμωσ καταστρέψαντα καὶ ἀλύπωσ.

κατέστρεψε δὲ ἕκτῃ ἐπὶ δέκα τοῦ Πυανεψιῶνοσ μηνόσ, ἐν ᾗ τὴν σκυθρωποτάτην τῶν Θεσμοφορίων ἡμέραν ἄγουσαι παρὰ τῇ θεῷ νηστεύουσιν αἱ γυναῖκεσ. τούτῳ μὲν ὀλίγον ὕστερον ὁ τῶν Ἀθηναίων δῆμοσ ἀξίαν ἀποδιδοὺσ τιμήν εἰκόνα τε χαλκῆν ἀνέστησε καὶ τὸν πρεσβύτατον ἐψηφίσατο τῶν ἀπὸ γένουσ ἐν Πρυτανείῳ σίτησιν ἔχειν.

καὶ τὸ ἐπίγραμμα τὸ θρυλούμενον ἐπεγράφη τῇ βάσει τοῦ ἀνδριάντοσ· εἴπερ ἴσην ῥώμην γνώμῃ, Δημόσθενεσ, εἶχεσ, οὔποτ’ ἂν Ἑλλήνων ἦρξεν Ἄρησ Μακεδών. οἱ γὰρ αὐτὸν τὸν Δημοσθένην τοῦτο ποιῆσαι λέγοντεσ ἐν Καλαυρίᾳ, μέλλοντα τὸ φάρμακον προσφέρεσθαι, κομιδῇ φλυαροῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demosthenes, chapter 30

(플루타르코스, Demosthenes, chapter 30)

상위

목록

SEARCH

MENU NAVIGATION