헬라어 문장 검색 - Πλυταρ́Δεμοστή10́

(플루타르코스, Demosthenes, chapter 10)

πλὴν τόν γε Δημάδην πάντεσ ὡμολόγουν τῇ φύσει χρώμενον ἀνίκητον εἶναι, καὶ παραφέρειν αὐτοσχεδιάζοντα τὰσ τοῦ Δημοσθένουσ σκέψεισ καὶ παρασκευάσ. ἀρίστων δ’ ὁ Χῖοσ καὶ Θεοφράστου τινὰ δόξαν ἱστόρηκε περὶ τῶν ῥητόρων, ἐρωτηθέντα γὰρ ὁποῖοσ τισ αὐτῷ φαίνεται ῥήτωρ ὁ Δημοσθένησ, εἰπεῖν· "ἄξιοσ τῆσ πόλεωσ· "ὑπὲρ τὴν πόλιν. ὁ δ’ αὐτὸσ φιλόσοφοσ Πολύευκτον ἱστορεῖ τόν Σφήττιον, ἕνα τῶν τότε πολιτευομένων Ἀθήνησιν, ἀποφαίνεσθαι μέγιστον μὲν εἶναι ῥήτορα Δημοσθένην, δυνατώτατον δὲ εἰπεῖν Φωκίωνα·

πλεῖστον γὰρ ἐν βραχυτάτῃ λέξει νοῦν ἐκφέρειν. καὶ μέντοι καὶ τόν Δημοσθένην φασὶν αὐτόν, ὁσάκισ ἂν ἀντερῶν αὐτῷ Φωκίων ἀναβαίνοι, λέγειν πρὸσ τοὺσ συνήθεισ· "ἡ τῶν ἐμῶν λόγων κοπὶσ ἀνίσταται. τοῦτο μὲν οὖν ἄδηλον εἴτε πρὸσ τόν λόγον τοῦ ἀνδρὸσ ὁ Δημοσθένησ εἴτε πρὸσ τόν βίον καὶ τὴν δόξαν ἐπεπόνθει, πολλῶν πάνυ καὶ μακρῶν περιόδων ἓν ῥῆμα καὶ νεῦμα πίστιν ἔχοντοσ ἀνθρώπου κυριώτερον ἡγούμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demosthenes, chapter 10

(플루타르코스, Demosthenes, chapter 10)

상위

목록

SEARCH

MENU NAVIGATION