헬라어 문장 검색 - Πλυταρ́Δεμοστή06́

(플루타르코스, Demosthenes, chapter 6)

ὡσ γοῦν ἐν ἡλικίᾳ γενόμενοσ τοῖσ ἐπιτρόποισ ἤρξατο δικάζεσθαι καὶ λογογραφεῖν ἐπ’ αὐτούσ πολλὰσ διαδύσεισ καὶ παλινδικίασ εὑρίσκοντασ, ἐγγυμνασάμενοσ, κατὰ τὸν Θουκυδίδην, ταῖσ μελέταισ οὐκ ἀκινδύνωσ οὐδ’ ἀργῶσ, κατευτυχήσασ ἐκπρᾶξαι μὲν οὐδὲ πολλοστὸν ἠδυνήθη μέροσ τῶν πατρῴων, τόλμαν δὲ πρὸσ τὸ λέγειν καὶ συνήθειαν ἱκανὴν λαβών καὶ γευσάμενοσ τῆσ περὶ τοὺσ ἀγῶνασ φιλοτιμίασ καὶ δυνάμεωσ ἐπεχείρησεν εἰσ μέσον παριέναι καὶ τὰ κοινὰ πράττειν. καὶ καθάπερ Λαομέδοντα τὸν Ὀρχομένιον λέγουσι καχεξίαν τινὰ σπληνὸσ ἀμυνόμενον δρόμοισ μακροῖσ χρῆσθαι τῶν ἰατρῶν κελευσάντων, εἶθ’ οὕτωσ διαπονήσαντα τὴν ἕξιν ἐπιθέσθαι τοῖσ στεφανίταισ ἀγῶσι καὶ τῶν ἄκρων γενέσθαι δολιχοδρόμων, οὕτωσ τῷ Δημοσθένει συνέβη τὸ πρῶτον ἐπανορθώσεωσ ἕνεκα τῶν ἰδίων ἀποδύντι πρὸσ τὸ λέγειν, ἐκ τούτου κτησαμένῳ δεινότητα καὶ δύναμιν ἐν τοῖσ πολιτικοῖσ ἤδη καθάπερ στεφανίταισ ἀγῶσι πρωτεύειν τῶν ἀπὸ τοῦ βήματοσ ἀγωνιζομένων πολιτῶν.

καίτοι τό γε πρῶτον ἐντυγχάνων τῷ δήμῳ θορύβοισ περιέπιπτε καὶ κατεγελᾶτο δι’ ἀήθειαν, τοῦ λόγου συγκεχύσθαι ταῖσ περιόδοισ καὶ βεβασανίσθαι τοῖσ ἐνθυμήμασι πικρῶσ ἄγαν καὶ κατακόρωσ δοκοῦντοσ.

τέλοσ δ’ ἀποστάντα τοῦ δήμου καὶ ῥεμβόμενον ἐν Πειραιεῖ δι’ ἀθυμίαν Εὔνομοσ ὁ Θριάσιοσ ἤδη πάνυ γέρων θεασάμενοσ ἐπετίμησεν, ὅτι τὸν λόγον ἔχων ὁμοιότατον τῷ Περικλέουσ προδίδωσιν ὑπ’ ἀτολμίασ καὶ μαλακίασ ἑαυτόν, οὔτε τοὺσ ὄχλουσ ὑφιστάμενοσ εὐθαρσῶσ, οὔτε τό σῶμα πρὸσ τοὺσ ἀγῶνασ ἐξαρτυόμενοσ, ἀλλὰ τρυφῇ περιορῶν μαραινόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demosthenes, chapter 6

(플루타르코스, Demosthenes, chapter 6)

상위

목록

SEARCH

MENU NAVIGATION