헬라어 문장 검색 - Πλυταρ́Δεμοστή12́

(플루타르코스, Demosthenes, chapter 12)

ὡρ́μησε μὲν οὖν ἐπὶ τὸ πράττειν τὰ κοινὰ τοῦ Φωκικοῦ πολέμου συνεστῶτοσ, ὡσ αὐτόσ τέ φησι καὶ λαβεῖν ἔστιν ἀπὸ τῶν Φιλιππικῶν δημηγοριῶν. αἱ μὲν γὰρ ἤδη διαπεπραγμένων ἐκείνων γεγόνασιν, αἱ δὲ πρεσβύταται τῶν ἔγγιστα πραγμάτων ἅπτονται. δῆλοσ δ’ ἐστὶ καὶ τὴν κατὰ Μειδίου παρασκευασάμενοσ εἰπεῖν δίκην δύο μὲν ἐπὶ τοῖσ τριάκοντα γεγονὼσ ἔτη, μηδέπω δ’ ἔχων ἰσχὺν ἐν τῇ πολιτείᾳ μηδὲ δόξαν. ὃ καὶ μάλιστά μοι δοκεῖ δείσασ ἐπ’ ἀργυρίῳ καταθέσθαι τὴν πρὸσ τὸν ἄνθρωπον ἔχθραν οὐ γάρ τι γλυκύθυμοσ ἀνὴρ ἦν οὐδ’ ἀγανόφρων, ἀλλ’ ἔντονοσ καὶ βίαιοσ ὑπὲρ τὰσ ἀμύνασ, ὁρῶν δ’ οὐ φαῦλον οὐδὲ τῆσ αὐτοῦ δυνάμεωσ ἔργον ἄνδρα καὶ πλούτῳ καὶ λόγῳ καὶ φίλοισ εὖ πεφραγμένον καθελεῖν, τὸν Μειδίαν, ἐνέδωκε τοῖσ ὑπὲρ αὐτοῦ δεομένοισ.

αἱ δὲ τρισχίλιαι καθ’ ἑαυτὰσ οὐκ ἄν μοι δοκοῦσι τὴν Δημοσθένουσ ἀμβλῦναι πικρίαν, ἐλπίζοντοσ καὶ δυναμένου περιγενέσθαι.

λαβὼν δὲ τῆσ πολιτείασ καλὴν ὑπόθεσιν τὴν πρὸσ Φίλιππον ὑπὲρ τῶν Ἑλλήνων δικαιολογίαν, καὶ πρὸσ ταύτην ἀγωνιζόμενοσ ἀξίωσ, ταχὺ δόξαν ἔσχε καὶ περίβλεπτοσ ὑπὸ τῶν λόγων ἤρθη καὶ τῆσ παρρησίασ, ὥστε θαυμάζεσθαι μὲν ἐν τῇ Ἑλλάδι, θεραπεύεσθαι δ’ ὑπὸ τοῦ μεγάλου βασιλέωσ, πλεῖστον δ’ αὐτοῦ λόγον εἶναι παρὰ τῷ Φιλίππῳ τῶν δημαγωγούντων, ὁμολογεῖν δὲ καὶ τοὺσ ἀπεχθανομένουσ ὅτι πρὸσ ἔνδοξον αὐτοῖσ ἄνθρωπον ὁ ἀγών ἐστι. καὶ γὰρ Αἰσχίνησ καὶ Ὑπερείδησ τοιαῦτα ὑπὲρ αὐτοῦ κατηγοροῦντεσ εἰρήκασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demosthenes, chapter 12

(플루타르코스, Demosthenes, chapter 12)

상위

목록

SEARCH

MENU NAVIGATION