Plutarch, Demosthenes, chapter 17

ἐπεὶ δ’ εἰσ τὸ πολεμεῖν ἔρρεπε τὰ πράγματα, τοῦ μὲν Φιλίππου μὴ δυναμένου τὴν ἡσυχίαν ἄγειν, τῶν δ’ Ἀθηναίων ἐγειρομένων ὑπὸ τοῦ Δημοσθένουσ, πρῶτον μὲν εἰσ Εὔβοιαν ἐξώρμησε τοὺσ Ἀθηναίουσ καταδεδουλωμένην ὑπὸ τῶν τυράννων Φιλίππῳ· καί διαβάντεσ, ἐκείνου τὸ ψήφισμα γράψαντοσ, ἐξήλασαν τοὺσ Μακεδόνασ. δεύτερον δὲ Βυζαντίοισ ἐβοήθησε καί Περινθίοισ ὑπὸ τοῦ Μακεδόνοσ πολέμουμὲνοισ, πείσασ τὸν δῆμον ἀφέντα τὴν ἔχθραν καί τὸ μεμνῆσθαι τῶν περὶ τὸν συμμαχικὸν ἡμαρτημένων ἑκατέροισ πόλεμον ἀποστεῖλαι δύναμιν αὐτοῖσ, ὑφ’ ἧσ ἐσώθησαν.

ἔπειτα πρεσβεύων καί διαλεγόμενοσ τοῖσ Ἕλλησι καί παροξύνων συνέστησε πλὴν ὀλίγων ἅπαντασ ἐπὶ τὸν Φίλιππον, ὥστε σύνταξιν γενέσθαι πεζῶν μὲν μυρίων καί πεντακισχιλίων, ἱππέων δὲ δισχιλίων, ἄνευ τῶν πολιτικῶν δυνάμεων, χρήματα δὲ καί μισθοὺσ τοῖσ ξένοισ εἰσφέρεσθαι προθύμωσ.

ὅτε καί φησι Θεόφραστοσ, ἀξιούντων τῶν συμμάχων ὁρισθῆναι τὰσ εἰσφοράσ, εἰπεῖν Κρωβύλον τὸν δημαγωγόν ὡσ οὐ τεταγμένα σιτεῖται πόλεμοσ. ἐπηρμένησ δὲ τῆσ Ἑλλάδοσ πρὸσ τὸ μέλλον καί συνισταμένων κατ’ ἔθνη καί πόλεισ Εὐβοέων, Ἀχαιῶν, Κορινθίων, Μεγαρέων, Λευκαδίων, Κερκυραίων, ὁ μέγιστοσ ὑπελείπετο τῷ Δημοσθένει τῶν ἀγώνων, Θηβαίουσ προσαγαγέσθαι τῇ συμμαχίᾳ, χώραν τε σύνορον τῆσ Ἀττικῆσ καί δύναμιν ἐναγώνιον ἔχοντασ, καί μάλιστα τότε τῶν Ἑλλήνων εὐδοκιμοῦντασ ἐν τοῖσ ὅπλοισ.

ἦν δ’ οὐ ῥᾴδιον ἐπὶ προσφάτοισ εὐεργετήμασι τοῖσ περὶ τὸν Φωκικὸν πόλεμον τετιθασευμένουσ ὑπὸ τοῦ Φιλίππου μεταστῆσαι τοὺσ Θηβαίουσ, καί μάλιστα ταῖσ διὰ τὴν γειτνίασιν ἁψιμαχίαισ ἀναξαινομένων ἑκάστοτε τῶν πολεμικῶν πρὸσ ἀλλήλασ διαφορῶν ταῖσ πόλεσιν.