헬라어 문장 검색 - Πλυταρ́Δεμοστή15́

(플루타르코스, Demosthenes, chapter 15)

λέγεται δὲ καὶ τὸν κατὰ Τιμοθέου τὸν στρατηγοῦ λόγον, ᾧ χρησάμενοσ Ἀπολλόδωροσ εἷλε τὸν ἄνδρα τοῦ ὀφλήματοσ, Δημοσθένησ γράψαι τῷ Ἀπολλοδώρῳ, καθάπερ καὶ τοὺσ πρὸσ Φορμίωνα καὶ Στέφανον, ἐφ’ οἷσ εἰκότωσ ἠδόξησε. καὶ γὰρ ὁ Φορμίων ἠγωνίζετο λόγῳ Δημοσθένουσ πρὸσ τὸν Ἀπολλόδωρον, ἀτεχνῶσ καθάπερ ἐξ ἑνὸσ μαχαιροπωλίου τὰ κατ’ ἀλλήλων ἐγχειρίδια πωλοῦντοσ αὐτοῦ τοῖσ ἀντιδίκοισ. τῶν δὲ δημοσίων ὁ μὲν κατ’ Ἀνδροτίωνοσ καὶ Τιμοκράτουσ καὶ Ἀριστοκράτουσ ἑτέροισ ἐγράφησαν, οὔπω τῇ πολιτείᾳ προσεληλυθότοσ·

δοκεῖ γὰρ δυεῖν ἢ τριῶν δέοντα ἔτη τριάκοντα γεγονὼσ ἐξενεγκεῖν τοὺσ λόγουσ ἐκείνουσ· τὸν δὲ κατὰ Ἀριστογείτονοσ αὐτὸσ ἠγωνίσατο, καὶ τὸν περὶ τῶν ἀτελειῶν, διὰ τὸν Χαβρίου παῖδα Κτήσιππον, ὥσ φησὶν αὐτόσ, ὡσ δ’ ἔνιοι λέγουσι, τὴν μητέρα τοῦ νεανίσκου μνώμενοσ. οὐ μὴν ἔγημε ταύτην, ἀλλὰ Σαμίᾳ τινὶ συνῴκησεν, ὡσ ἱστορεῖ Δημήτριοσ ὁ Μάγνησ ἐν τοῖσ περὶ συνωνύμων.

ὁ δὲ κατ’ Αἰσχίνου τῆσ παραπρεσβείασ ἄδηλον εἰ λέλεκται· καίτοι φησὶν Ἰδομενεὺσ παρὰ τριάκοντα μόνασ τὸν Αἰσχίνην ἀποφυγεῖν. ἀλλ’ οὐκ ἐοίκεν οὕτωσ ἔχειν τἀληθέσ, εἰ δεῖ τοῖσ περὶ στεφάνου γεγραμμένοισ ἑκατέρων λόγοισ τεκμαίρεσθαι. μέμνηται γὰρ οὐδέτεροσ αὐτῶν ἐναργῶσ οὐδὲ τρανῶσ ἐκείνου τοῦ ἀγῶνοσ ὡσ ἄχρι δίκησ προελθόντοσ. ταυτὶ μὲν οὖν ἕτεροι διακρινοῦσι μᾶλλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demosthenes, chapter 15

(플루타르코스, Demosthenes, chapter 15)

상위

목록

SEARCH

MENU NAVIGATION