헬라어 문장 검색 - Πλυταρ́Δεμοστή13́

(플루타르코스, Demosthenes, chapter 13)

ὅθεν οὐκ οἶδ’ ὅπωσ παρέστη Θεοπόμπῳ λέγειν αὐτὸν ἀβέβαιον τῷ τρόπῳ γεγονέναι καὶ μήτε πράγμασι μήτ’ ἀνθρώποισ πολὺν χρόνον τοῖσ αὐτοῖσ ἐπιμένειν δυνάμενον. φαίνεται γάρ, εἰσ ἣν ἀπ’ ἀρχῆσ τῶν πραγμάτων μερίδα καὶ τάξιν αὑτὸν ἐν τῇ πολιτείᾳ κατέστησε, ταύτην ἄχρι τέλουσ διαφυλάξασ, καὶ οὐ μόνον ἐν τῷ βίῳ μὴ μεταβαλόμενοσ, ἀλλὰ καὶ τὸν βίον ἐπὶ τῷ μὴ μεταβαλέσθαι προέμενοσ. οὐ γάρ, ὡσ Δημάδησ ἀπολογούμενοσ διὰ τὴν ἐν τῇ πολιτείᾳ μεταβολὴν ἔλεγεν, αὑτῷ μὲν αὐτὸν τἀναντία πολλάκισ εἰρηκέναι, τῇ δὲ πόλει μηδέποτε, καὶ Μελάνωποσ ἀντιπολιτευόμενοσ Καλλιστράτῳ καὶ πολλάκισ ὑπ’ αὐτοῦ χρήμασι μετατιθέμενοσ εἰώθει λέγειν πρὸσ τὸν δῆμον·

Νικόδημοσ δ’ ὁ Μεσσήνιοσ Κασάνδρῳ προστιθέμενοσ πρότερον, εἶτ’ αὖθισ ὑπὲρ Δημητρίου πολιτευόμενοσ οὐκ ἔφη τἀναντία λέγειν, ἀεὶ γὰρ εἶναι συμφέρον ἀκροᾶσθαι τῶν κρατούντων, οὕτω καὶ περὶ Δημοσθένουσ ἔχομεν εἰπεῖν οἱο͂ν ἐκτρεπομένου καὶ πλαγιάζοντοσ ἢ φωνὴν ἢ πρᾶξιν, ἀλλ’ ὥσπερ ἀφ’ ἑνὸσ καὶ ἀμεταβλήτου διαγράμματοσ τῆσ πολιτείασ ἕνα τόνον ἔχων ἐν τοῖσ πράγμασιν ἀεὶ διετέλεσε.

Παναίτιοσ δ’ ὁ φιλόσοφοσ καὶ τῶν λόγων αὐτοῦ φησιν οὕτω γεγράφθαι τοὺσ πλείστουσ ὡσ μόνου τοῦ καλοῦ δι’ αὐτὸ αἱρετοῦ ὄντοσ, τὸν περὶ τοῦ στεφάνου, τὸν κατὰ Ἀριστοκράτουσ, τὸν ὑπὲρ τῶν ἀτελειῶν, τοὺσ Φιλιππικούσ·

ἐν οἷσ πᾶσιν οὐ πρὸσ τὸ ἥδιστον ἢ ῥᾷστον ἢ λυσιτελέστατον ἄγει τοὺσ πολίτασ, ἀλλὰ πολλαχοῦ τὴν ἀσφάλειαν καὶ τὴν σωτηρίαν οἰέται δεῖν ἐν δευτέρᾳ τάξει τοῦ καλοῦ ποιεῖσθαι καὶ τοῦ πρέποντοσ, ὡσ, εἴγε τῇ περὶ τὰσ ὑποθέσεισ αὐτοῦ φιλοτιμίᾳ καὶ τῇ τῶν λόγων εὐγενείᾳ παρῆν ἀνδρεία τε πολεμιστήριοσ καὶ τὸ καθαρῶσ ἕκαστα πράττειν, οὐκ ἐν τῷ κατὰ Μοιροκλέα καὶ Πολύευκτον καὶ Ὑπερείδην ἀριθμῷ τῶν ῥητόρων, ἀλλ’ ἄνω μετὰ Κίμωνοσ καὶ Θουκυδίδου καὶ Περικλέουσ ἄξιοσ ἦν τίθεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demosthenes, chapter 13

(플루타르코스, Demosthenes, chapter 13)

상위

목록

SEARCH

MENU NAVIGATION