헬라어 문장 검색 - Πλυταρ́Δεμοστή05́

(플루타르코스, Demosthenes, chapter 5)

τῆσ δὲ πρὸσ τοὺσ λόγουσ ὁρμῆσ ἀρχὴν αὐτῷ φασι τοιαύτην γενέσθαι. Καλλιστράτου τοῦ ῥήτοροσ ἀγωνίζεσθαι τὴν περὶ Ὠρωποῦ κρίσιν ἐν τῷ δικαστηρίῳ μέλλοντοσ ἦν προσδοκία τῆσ δίκησ μεγάλη διά τε τὴν τοῦ ῥήτοροσ δύναμιν, ἀνθοῦντοσ τότε μάλιστα τῇ δόξῃ, καί διά τὴν πρᾶξιν οὖσαν περιβόητον. ἀκούσασ οὖν ὁ Δημοσθένησ τῶν διδασκάλων καί τῶν παιδαγωγῶν συντιθεμένων τῇ δίκῃ παρατυχεῖν, ἔπεισε τὸν ἑαυτοῦ παιδαγωγὸν δεόμενοσ καί προθυμούμενοσ ὅπωσ αὑτὸν ἀγάγοι πρὸσ τὴν ἀκρόασιν.

ὁ δ’ ἔχων πρὸσ τοὺσ ἀνοίγοντασ τὰ δικαστήρια δημοσίουσ συνήθειαν, εὐπόρησε χώρασ ἐν ᾗ καθήμενοσ ὁ παῖσ ἀδήλωσ ἀκούσεται τῶν λεγομένων. εὐημερήσαντοσ δὲ τοῦ Καλλιστράτου καί θαυμασθέντοσ ὑπερφυῶσ, ἐκείνου μὲν ἐζήλωσε τὴν δόξαν, ὁρῶν προπεμπόμενον ὑπὸ τῶν πολλῶν καί μακαριζόμενον, τοῦ δὲ λόγου μᾶλλον ἐθαύμασε καί κατενόησε τὴν ἰσχὺν ὡσ πάντα χειροῦσθαι καί τιθασεύειν πεφυκότοσ.

ἐχρήσατο δὲ Ἰσαίῳ πρὸσ τὸν λόγον ὑφηγητῇ, καίπερ Ἰσοκράτουσ τότε σχολάζοντοσ, εἴτε, ὥσ τινεσ λέγουσι, τὸν ὡρισμένον μισθὸν Ἰσοκράτει τελέσαι μὴ δυνάμενοσ, τὰσ δέκα μνᾶσ, διὰ τὴν ὀρφανίαν, εἴτε μᾶλλον τοῦ Ἰσαίου τὸν λόγον ὡσ δραστήριον καί πανοῦργον ἐπὶ τὴν χρείαν ἀποδεχόμενοσ.

Ἕρμιπποσ δέ φησιν ἀδεσπότοισ ὑπομνήμασιν ἐντυχεῖν ἐν οἷσ ἐγέγραπτο τὸν Δημοσθένην συνεσχολακέναι Πλάτωνι καί πλεῖστον εἰσ τοὺσ λόγουσ ὠφελῆσθαι, Κτησιβίου δὲ μέμνηται λέγοντοσ παρὰ Καλλίου τοῦ Συρακουσίου καί τινων ἄλλων τὰσ Ἰσοκράτουσ τέχνασ καί τὰσ Ἀλκιδάμαντοσ κρύφα λαβόντα τὸν Δημοσθένην καταμαθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demosthenes, chapter 5

(플루타르코스, Demosthenes, chapter 5)

상위

목록

SEARCH

MENU NAVIGATION