헬라어 문장 검색 - Πλυταρ́Δεξυριό10́

(플루타르코스, De curiositate, section 10)

διὸ καὶ χρήσιμον ὡσ ἔνι μάλιστα πρὸσ τὴν ἀποτροπὴν τοῖσ πολυπράγμοσιν ἡ τῶν προεγνωσμένων ἀνάμνησισ. ἂν γάρ, ὥσπερ ὁ Σιμωνίδησ ἔλεγε τὰσ κιβωτοὺσ ἀνοίγων διὰ χρόνου τὴν μὲν τῶν μισθῶν ἀεὶ μεστὴν τὴν δὲ τῶν χαρίτων εὑρίσκειν κενήν, οὕτωσ τισ τῆσ πολυπραγμοσύνησ τὴν ἀποθήκην ἀνοίγῃ διὰ χρόνου καὶ κατασκέπτηται πολλῶν ἀχρήστων καὶ ματαίων καὶ ἀτερπῶν γέμουσαν, ἴσωσ ἂν αὐτῷ τὸ πρᾶγμα προσταίη, φανὲν ἀηδὲσ παντάπασι καὶ φλυαρῶδεσ. φέρε γάρ, εἴ τισ ἐπιὼν τὰ συγγράμματα τῶν παλαιῶν ἐκλαμβάνοι τὰ κάκιστα τῶν ἐν αὐτοῖσ, καὶ βιβλίον ἔχοι συντεταγμένον, οἱο͂ν Ὁμηρικῶν στίχων ἀκεφάλων καὶ τραγικῶν σολοικισμῶν καὶ τῶν ὑπ’ Ἀρχιλόχου πρὸσ τὰσ γυναῖκασ ἀπρεπῶσ καὶ ἀκολάστωσ εἰρημένων, ἑαυτὸν παραδειγματίζοντοσ, ἆρ’ οὐκ ἔστι τῆσ τραγικῆσ κατάρασ ἄξιοσ, ὄλοιο θνητῶν ἐκλέγων τὰσ συμφοράσ; καὶ ἄνευ δὲ τῆσ κατάρασ ἀπρεπὴσ καὶ ἀνωφελὴσ ὁ θησαυρισμὸσ αὐτοῦ τῶν ἀλλοτρίων ἁμαρτημάτων ὥσπερ ἡ πόλισ, ἣν ἐκ τῶν κακίστων καὶ ἀναγωγοτάτων κτίσασ ὁ Φίλιπποσ Πονηρόπολιν προσηγόρευσεν.

οἱ τοίνυν πολυπράγμονεσ, οὐ στίχων οὐδὲ ποιημάτων, ἀλλὰ βίων ἀστοχήματα καὶ πλημμελήματα καὶ σολοικισμοὺσ ἀναλεγόμενοι καὶ συνάγοντεσ, ἀμουσότατον καὶ ἀτερπέστατον κακῶν γραμματοφυλακεῖον τὴν ἑαυτῶν μνήμην περιφέρουσιν. πρώτων ἀναμιμνησκέτωσαν ἑαυτοὺσ ὅτι χάριν καὶ ὄνησιν οὐδεμίαν ἤνεγκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De curiositate, section 10

(플루타르코스, De curiositate, section 10)

상위

목록

SEARCH

MENU NAVIGATION